Дорноговь аймгийн Иргэдийн Төлөөлөгчдийн Хурлын дарга бөгөөд Гэмт хэргээс урьдчилан сэргийлэх ажлыг зохицуулах салбар зөвлөлийн дарга Н.Алдарбаяр, Гэмт хэргээс урьдчилан сэргийлэх ажлыг зохицуулах салбар зөвлөлийн гишүүдийн бүрэлдэхүүнтэйгээр “Иргэдээ сонсое” арга хэмжээг энэ сарын 26, 27-ны өдрүүдэд  Эрдэнэ, Өргөн, Улаанбадрах сумдад зохион байгууллаа.

Тус арга хэмжээнд Замын-Үүд дэх Сум дундын Цагдаагийн хэлтсийн дарга, цагдаагийн дэд хурандаа Ж.Төмөрбат, Урьдчилан сэргийлэх ажил хариуцсан мэргэжилтэн, цагдаагийн дэслэгч Б.Ууганбаатар, Замын цагдаагийн хэсгийн зохицуулагч, цагдаагийн ахлах дэслэгч Л.Нямбат, Замын-Үүд сумын сум дундын Прокурорын газрын хууль цаазын хяналтын прокурор  Н.Наранбат, Замын-Үүд сум дах Шүүхийн шийдвэр гүйцэтгэх хэлтсийн дарга, хурандаа Д.Наранбаяр нар оролцсон байна.

“Телеграм” платформ ашиглан үйлдэгдэж буй залилах гэмт хэрэг, насанд хүрээгүй хүний  эсрэг гэмт хэрэг болон энэ оны эхний таван сарын байдлаар үйлдэгдсэн гэмт хэрэг, зөрчлийн  нөхцөл байдал, анхаарах асуудал сэдвүүдээр сургалт, мэдээлэл хийжээ. Мөн энэ үеэр иргэдээс цагдаагийн байгууллагын үйл ажиллагаа, алба хаагчидтай холбоотой санал, хүсэлтийг хүлээн авч ажилласан байна.