Цаг цагаар нэг гацна

Цагаан сараар бүүр гацна

Сар өдрөөр байнга гацна 

Тэр юу вэ гэх оньсого шинээр гарчээ. Тус оньсгоны хариултыг "Хаан банк" хэмээн харилцагч нар төвөггүйхэн хариулах аж. 

ХААН Банк нь орон даяар нийт 545 салбар нэгжт бөгөөд Монгол Улсын нийт хүн амын 82 гаруй хувьд буюу 2.8 сая харилцагчидтай "монопол" банк. Гэвч монопол байдлаа таагүй үйлдлээр толбодсоор өнөөдрийг хүрсэн. Хаан банк харилцагчийнхаа данснаас мөнгө хулгайлдаг үйлдэл даамжирсаар данснаасаа гэнэт мөнгөө алдсан иргэдийн гомдол уртаас урт жагсаалт үүсгэх биз. 

Мөн хүнд суртал, харилцагчаа хэрхэн, хэзээ, хаанаас, яаж "шулж, хохироох вэ" гэх бодлого, зорилттой ажилладаг мэт байнгын гомдол, хэл ам таталдаг байгууллага гэхэд үнэнээс тэгтлээ хол зөрөхгүй.

Хамгийн алдартай, хэзээ ч засаж дийлдэггүй алдаа бол гацах. Өнөөдөр /2024.04.19/ 19 цагийн үеэс эхлээд Хаан банкны интернэт банк сүлжээгүй болж,  харилцагчид цахим хуудаст нь бухимдлаа илэрхийлж эхэлжээ. 

Нэг ноцтой мэдээллийг эргэн сануулахад 2021.11.23-ны өдөр Тагнуулын ерөнхий газраас гадаадын сайтад 2.3 сая Монгол иргэний мэдээллийг 700 ам.доллараар зарна гэсэн мэдээллийн дагуу шалгалт хийхэд "хакерууд Хаан банкны харилцагчдын мэдээллийг зарсан байж болзошгүй" гэх мэдээллийг олон нийтэд мэдээлж байв. 

Тэгэхээр ачааллаа дийлдэггүйдээ юу, эсвэл анхнаасаа чанартай, сайн хамгаалалт, техник, сүлжээ хэрэглэгдэггүйгээс шалтгаалсан эсэх нь тодорхойгүй байсхийгээд алдаа гаргадаг тус банк та бүхний хамгийн үнэтэй мэдээллийг ч хамгаалж чаддаггүй болж таарч байгаа юм.  

Яг одоо үүсээд байгаа сүлжээний гацалтаас шалтгаалан харилцагчид нь таксины, хоолны болон бусад худалдан авалтын төлбөр, тооцоогоо хий чадахгүйд хүрч "барьцаанд" байгаа тухайгаа цахим хаягт нь сэтгэгдлээр бичсээр байна.