Нүүрсний хулгайн гэх хэрэг олон нийтийн анхааралд өртөж, монголчуудын төсөөлж байгаагүй их тоонууд яригдаж хэсэгтээ л цочролд оруулав. Анх тус хэргийн талаар олон нийтэд мэдээлэхдээ АТГ-аас нэр бүхий 17 албан тушаалтны нэрсийг зарласан ч өдгөө бүгд сурагггүй замрхан одсон. Хэрэг явадал эхлэх үеэр УИХ-ын гишүүн, Зам тээвэр хөгжлийн сайд С.Бямбацогтоос “Та нүүрсний хэрэгтэй холбоотой юу” гэж асуусан сэтгүүлчийн асуултад  маш их цочиж, “Үгүй, үгүй. Ёстой тийм юм байхгүй” гэж хариулж байсан билээ. Тэгвэл түүний цочсоны шалтгаан Хөшөөтийн уурхай, “МоЭнКо” компанитай холбоотой байжээ.

Тэгвэл энэ хэрэгтэй холбоотой Хөшөөтийн уурхай буюу “МоЭнКо” ХХК-тай УИХ-ын гишүүн, ЗТХ-ийн сайд С.Бямбацогт холбоотой гэдэг мэдээллийг Ш.Адьшаа гишүүн өгсөн. Тэрбээр С.Бямбацогтын хамааралтай “Алтай зам” ХХК жил бүр 2.5 тэрбум төгрөг авдаг, “Алтай строй” ХХК олборлолт, тээвэрлэлтийг нь хийдэг, шатахуун нийлүүлдэг, хариуд нь С.Бямбацогт хамгаалалтдаа байлгадаг гээд, эрэн сурвалжлах сэтгүүлчдээс энэ асуудлын мөрөөр эрэн сурвалжилж өгөхийг хүссэн юм.

Ш.Адьшаа гишүүний тэргүүлж байсан нүүрсний асуудлыг хянан шалгах Түр хороо Хөшөөтийн уурхай, Булган буюу Ярантын боомтыг шалгахад 50-60 сая ам.долларын хулгайг илрүүлж, баримтууд цуглуулснаа дараагийн түр хороонд шилжүүлж өгсөн ч шинжээч нь олигтой ажиллалгүй дарсан, улмаар Б.Энхбаяр шалгалтын хүрээг хумьснаар энэ асуудал замхарсан юм.