Манай энэ удаагийн “Хөрөг” нэвтрүүлгийн зочноор залуу дуучин Б.Цэнд оролцлоо. Түүний хувьд дуучин, артист, дасгалжуулагч, бөх гээд олон хоббигоо зэрэг хөгжүүлэн Монголын анхны реппэр бөх болохоор хичнээн ажиллаж байгаа юм.

• Үзэгч, уншигчдад маань өөрийгөө танилцуулна уу?
• Бүгдээрээ сайн байцгаана уу. Намайг Болдбаатар овогтой Цэнд гэдэг. Артист нэр маань “Tse4nd” гэж дуудаж болно. 22 настай. Одоогоор “California fitness” –ийн трейнер хийдэг. Мөн хажуугаар нь өөрийнхөө уран бүтээлийг хийгээд явдаг энгийн нэг залуу байна. Бага байхаасаа бөхийн спортод дуртай байсан. Учир нь аав маань намайг бага байхаас эхлэн барилдуулна гээд, би өөрөө ч том биетэй байсныг хэлэх үү, тэгээд ер нь бөхийн спортод дуртай болсон. Анх 2013 онд 13 настай байхдаа “Монголын Жүдо бөхийн академи” гээд тэр клубт 2020 он хүртэл идэвхтэй хичээллэсэн. Гаргасан амжилт гэх юм бол Өсвөрийн хотын аваргын мөнгөн медаль, дүүрэгтээ 2 удаа түрүүлж байсан.  Ер нь бөхтэй холбоотой бүх төрөл рүү одоо орж байгаа. Сүүлийн үед үндэсний бөх рүү орох төлөвтэй байгаа. Жиү-жицү, самбо гээд ер нь бол ихэнх төрлөөр нь барилддаг. Алдар спорт хорооны Батсайхан гээд багш дээр бэлтгэл сургуулилтаа хийдэг. Алдар спорт хорооны нэрээр ер нь барилддаг.
• Бөхийн спортод дуртай хүн яагаад дуучин болохоор шийдэв? “The Voice” шоунд оролцсон түүх нь сонин байна?
• “The Voice” шоуны үзүүлбэр гэнэтийн зүйл болчихсон. Өөрөө бол орноо гэж огт бодоогүй. “Universe best songs” тэмцээнийг анх үзчихээд хүмүүс яаж ийшээ ордог байна, яаж ингээд тайзан дээр гараад дуулж чаддаг юм бол гээд гайхдаг байлаа. Гэхдээ тэр нэг өдөр яагаад ч юм зүгээр ингээд Баянбүрдийн хажуугаар явж байхад хүмүүс нээлттэй шалгаруулалт болж байна. Хэн ч байсан ороод дуулаад үзүүлчихэж болно гэхээр нь зориг гаргаад, манай найз хүртэл намайг сумлаад тэгээд орж байсан. Тухайн үед би жанараа солиод поп, R&B-аас хип хоп, реп төрөл рүү орж байсан үе. Тэгээд өөрийнхөө дуулдаг дуунуудаа шалгуулчихаад мартчихсан байсан. Зун нь би Найрамдал зусланд багшилж байсан юм. Тэгээд тэнд ирээд надад тэнцсэн гээд хэлэхэд их гайхаж байсан. Ер нь бол анх тэр шоунд ороод өөрийгөө, заа Цэндээ чи ийм байдаг юм байна гээд тодорхой түвшинд мэдээд авсан. Шоуны  баттлэ шат хүртэл явахдаа маш олон гоё хүмүүстэй танилцаж, өөрийгөө ч нээсэн. Гоё дурсамжтай үе байсан юм уу гэж би боддог. Сүүлд бичээд бэлэн болгоод удчихсан байсан нэг дуугаа өөрийнхөө youtube сувагт оруулсан. Тэр нь дуу нь “ЭКС” гээд дуу байгаа.

ҮРГЭЛЖЛЭЛИЙГ ЭНДЭЭС ҮЗНЭ ҮҮ.