Хөгжиж буй орнуудын 77-гийн бүлгийн дээд хэмжээний уулзалт 2023.09.15-ны бямба гарагт өндөрлөж, хөгжиж буй орнуудын нийтлэг эрх ашгийг хамгаалсан тунхаглалыг баталлаа.

Энэ удаагийн уулзалт Кубын нийслэл Хавана хотын олон улсын хурлын төвд хоёр өдөр үргэлжилж, 100 улсын албан ёсны төлөөлөгчид дэлхийн өмнөд бүсийн улс орнуудын хөгжилд шинжлэх ухаан, технологи, инновацыг ашиглах нь чухал ач холбогдолтой гэдэгт санал нэгдэв.

Хавана хот энэ өдрүүдэд дэлхийн нийслэл, итгэл найдварын төв болж чадлаа гэж Кубын Ерөнхий сайд Мануэль Марреро дээд түвшний уулзалтын хаалтын ёслолын үеэр онцлон тэмдэглэв.

М.Марреро уулзалтад оролцогчдод үнэтэй хувь нэмэр оруулсанд талархал илэрхийлж, дэвшүүлсэн саналуудыг хэрэгжүүлэхэд үргэлжлүүлэн ажиллахыг урилаа.

Тунхаглалд мөн шинээр болон дахин тархаж буй халдварт болон халдварт бус өвчин, тэдгээрийн эрсдэлийг харгалзан эрүүл мэндийн салбарт судалгаа, хөгжил, технологи дамжуулахын ач холбогдлыг өндрөөр үнэлсэн байна.

Түүнчлэн хөгжиж буй орнуудын тэргүүлэх чиглэлүүдэд үндэслэн санхүүжилт олгох, технологи дамжуулах, чадавхжуулах замаар уур амьсгалын өөрчлөлтөөс үүдэлтэй зайлшгүй аюулд үр дүнтэй хариу арга хэмжээ авах шаардлагатайг дахин нотолжээ.