Өнгөрсөн 8 дугаар сард Вада буюу Олон улсын допингийн эсрэг агентлагийн  төлөөлөгчид ирж Монголын допингийн эсрэг үндэсний байгууллагыг олон удаа зөрчил гаргасан, стандарт дагаж мөрдөөгүй, дүрэм биелүүлэхгүй байгаа асуудлаар анхааруулга сануулга өгчээ. Сануулгад дурдсан алдааг нэг сарын хугацаанд засаж, залруулахгүй бол 2024 оны дэлхийн хүн төрөлхтний баяр цэнгэлийн манлай олимпын наадамд Монгол Улс өөрийн далбааг мандуулж бөгөөд  баг, тамирчид медаль авбал төрийн далбаа мандахгүй, алт авбал төрийн дуулал эгшиглэхгүй хүйтэн дайны цаг үеийг санагдуулам  нөхцөл байдал үүсэхээр байна. Монгол Улс түүхэндээ анх удаа өөрийнхөө нэр дээр олимпод орж чадаагүй гэх бараан нөхцөл байдал үүсэхээр байна. 

Монгол улсын ЗГ 2022.10.19-ний өдрийн хуралдаанаар “Допингийн эсрэг үндэсний дүрэм”-ийн төслийг хэлэлцэн дэмжиж, Засгийн газрын тогтоолын төслийг баталж байсан бол Монголын үндэсний олимпын хороо нь дэлхийн допингийн эсрэг дүрмийг хүлээн зөвшөөрч тус стандарт дүрмийг дагаж мөрдөхөөр болсон. Мөн дэлхийн допингийн эсрэг дүрмийн 20.4.18 д зааснаар Вада буюу Олон улсын допингийн эсрэг агентлаг нь Монгол улсад тодорхой арга хэмжээг авах бүрэн эрхтэй агентлаг юм .