Үзэх линк:

Одоогоос 13 жилийн өмнө арц суврага компанийн ажилтан, ажлын талбай дээр нас барсан харамсалтай хэргийн талаар чек.мн мэдээлэх болно. Тэд эрдэнэт хүний амиар тохуурхаад амжсан. Гэвч талийгаачийн ээжээс бусад нь хүүгийн талаар мартаад багагүй хугацаа өнгөрлөө.

2010.08.21-ний өдөр тус компанийн ажилтан СБД-ийн нутаг дэвсгэрт байрлах “Сод хийморь” дээд сургуулийн барилгын ажлыг гүйцэтгэж байхдаа подъёмны тороос нь тасарч 20 настай залуу эд хөдөлмөрлөж, бүтээх насан дээрээ унаж нас барсан харамсалтай хэрэг гарч байсан. Тухайн үед Хөдөлмөр аюулгүй байдлын инженер Ш.Энхжин нь хөдөлмөр аюулгүй байдлыг талаар сургалт орсон эсэх, ажилчдын аюулгүй байдлыг яагаад хангаагүй эсэх гээд асуудлууд хөвөрнө.

Амь хохирсон ажилтны ээж М.Ганцэцэгт ажилчдаас цуглуулав гэж хоёр сая, дараа нь хохирол гэж найман сая төгрөг өгөөд л түүнээс салахыг хүссэн. Түүгээр ч зогсохгүй “Арц суварга” ХХК-ны инженер Ш.Энхжин хүүгээ алдаад самуурч байсан эхийн сул талыг ашиглан 60 шүргэж буй настай ээжийгээ дагуулж ирэн “Гомдолгүй гээд хэлээд өгөөч, таны хүүтэй ялгаа юу байхав. Хүү минь шоронд орох дээрээ туллаа” гэж гуйсан төдийгүй хүүг нь дур мэдэн подъёмон дээр гарсан гэх зэргээр буруутгасан.

Хэрэв хүү өөрөө дур мэдэн подъёмон дээр гарсан бол хэн тэнд гарах зөвшөөрлийг олгосон бэ? Эсвэл ямар ч хараа хяналтгүй хэн ч гараад зогсож болохоор байсан болж таарах уу? Бас тэр подъёмыг хэн ажиллуулж байсан бэ? Хэн ч харсан асуудалтай байх энэ хэргийг шүүх яагаад ингэж шүүсэн бэ? Гэрчүүд хаана байна вэ? Яагаад ямар гэрчгүй хэрэг болчхов?

Үрээ алдсан ээж СБД-ийн иргэний анхан шатны шүүхээс ажлын хариуцлага алдсан байж болзошгүй инженер Ш.Энхжинд холбогдох хэргийг хэрэгсэхгүй болгон, хохирогч талын нэхэмжилсэн 48 сая төгрөгийг олгох үндэслэлгүй гэж үзсэн. Дараагийн шатны шүүх ч анхан шатны шүүхийн шийдвэрийг “зөв” гэж дүгнэжээ.

Гэтэл тухайн үеийн Хөдөлмөрийн тухай хуулийн 97 дугаар зүйлийн 97.1.2-т үйлдвэрлэлийн осол, хурц хордлого, мэргэжлээс шалтгаалсан өвчний улмаас нас барсан ажилтны ар гэрт 36, түүнээс дээш сарын цалинтай тэнцэх нөхөн төлбөрийг нэг ба түүнээс дээш удаа олгоно” гэж заасан. Тэгэхээр 8 сая төгрөг нь 36 сарын цалин юм бол сарын хөлс нь 222,000 төгрөг байсан болж таарлаа.

Мөнгөний төлөө нүдээ ухахаас ч буцахгүй араатнуудын хариуцлага алдсанаас болж нэгэн залуухан эгэл хүн, ажил хөдөлмөр эрхэлж, ээждээ дэм болох гэж яваад хэзээ ч ээждээ иргэж ирсэнгүй. Хүүгээ хэзээ ч эргэж ирэхгүйд одоо ч үл итгэн “хүүгээ санадаггүй ээж гэж юу байх вэ дээ, өдөр бүр л харуулдаж суудаг” гээд нулимс туслуулах нь сэтгэл урагдам. Мөн Мэргэжлийн хяналтын байгууллагын дүгнэлтээр “Арц суварга” ХХК нь хөдөлмөрийн аюулгүй байдал, эрүүл ахуйн тухай хуулийн 9 дүгээр зүйлийн тодорхой заалтуудыг зөрчсөн. ашиглаж байсан подьёмоо мэргэжлийн хяналтын байгууллагаар хянуулж баталгаажуулаагүй, зөвшөөрөл, гэрчилгээ аваагүй, ашиглалтын паспорт хөтлөөгүй байжээ. Энэ мэт маргаан, асуудалтай хэргүүдийг хав дарж хохирогч тал буруутан болж үлдэж буй нь тэдний ард “ААЛЗНЫ ТОР” мэт сүлжилдсэн бүлэг этгээдүүдийн нөлөө биз.

Алтансүх нь АТГ газар шалгагдаж байгаа боловч түүний доод албан тушаалтнаар ажиллаж байсан хүн АТГ ажилд орчихсон явж байгаа юм.Түүний хэрэг хэр үнэн зөв шийдэгдэх бол. Үзэх та юу гэж бодож байна.