Энэ жилийн үндэсний их баяр наадмаар барилдаж шөвгөрсөн 32 бөхийн допингийн шинжилгээний хариуны тухайд  Бөхийн салбар комисс, ДЭҮТ-өөс өнөөдөр хэвлэлийн хурал зохион байгууллаа. Нэг бөхийн допингийн шинжилгээний хариу эерэг гарсныг WADA буюу батламжлагдсан лабораториос өнөөдөр ирүүлсэн байна.

Хууль Зүй, Дотоод Хэргийн Яамны Төрийн нарийн бичгийн дарга П.Сайнзориг: Шөвгөрсөн нэг бөхөөс допинг илэрсэн. Үүнээс цааш мэдээлэл өгөх боломжгүй. Эхлээд энэ бөхдөө мэдэгдэх бөгөөд тухайн хүн өөрийн эрхийн дагуу Б сорьцын шинжилгээнд орох эсэхээ шийднэ. Үүний дараа бөхийн нэр тодорхой болно. Б сорьцын шинжилгээний хариунаас хамаарч тухайн бөхөд арга хэмжээ авах эсэх зэрэг дараагийн асуудлууд яригдана" хэмээв.

Үндэсний их баяр наадамд дөрөв давсан бөхчүүдийг допингийн шинжилгээнд хамруулдаг. Энэ жилийн наадамд 512 бөх барилдсанаас 32 нь допингийн шинжилгээнд хамрагджээ. Тэдний шинжилгээний хариу өнөөдөр нэгтгэгдэн ирсэн байна.

Мөн бөхчүүдээс авсан сорьц долдугаар сарын 17-ноос лабораторийн шинжилгээнд орсон бөгөөд долдугаар сарын 27-нд эхний хариу иржээ. Энэ үед 31 бөхийн хариу ирсэн байна.

Түүнчлэн Хууль Зүй, Дотоод Хэргийн Яамны Төрийн нарийн бичгийн дарга П.Сайнзоригийн мэдээлснээр допинг илрээгүй 31 бөх шинжилгээний хариугаа нэг хүний асуудал шийдэгдсэний дараа авах хэрэгтэй байх" гэх байр суурийг илэрхийлэв. 

32 бөхөөс гадна 16 харваачаас авсан допингийн шинжилгээний хариу иржээ. Үүнээс нэг бөхөд эерэг хариу гарсан болохыг WADA-гийн батламжлагдсан лабораториос өнөөдөр мэдэгдсэн байна"А, Б сорьцоор допинг илэрсэн нь тогтоогдвол тухайн бөхөд унасан бөхчүүдийг давсанд тооцож, тэр даваанд нь цол авах бөх байсан бол цолыг олгуулах саналаа Баяр наадмыг зохион байгуулах хороонд хүргүүлнэ.  Баяр наадмыг зохион байгуулах хороо Ерөнхийлөгчид уламжлах юм байна.