Монгол Улсын хэмжээнд мансууруулах эм, сэтгэцэд нөлөөт бодистой холбоотой  939 гэмт хэрэг бүртгэгдсэн байна. Тодруулбал  нийт холбогдогчдын 92.2 хувийг 13-35 хүртэлх насны хүүхэд, залуучууд эзэлж байна.

Хүүхэд, залуучуудыг хар тамхи, мансууралд оруулж байгаа гол зүйлийн нэг бол хар тамхины талаар тодорхой мэдлэггүй байх, цахим орчноос болон гадаадад амьдарч байсан хэн нэгнээс худал мэдээлэл авах явдал юм. Үүнээс болж хар тамхи, мансууруулах бодисыг хүний биед хоргүй, дасал болдоггүй, донтохгүй, хүссэн үедээ хэрэглэхээ больж болдог, бусад улс оронд хэрэглэхийг зөвшөөрсөн гэсэн ташаа ойлголт, буруу мэдээлэлтэй болсноос үүдэлтэй байдаг.

Мансууруулах бодисонд донтох суурь шалтгаан

Хүүхэд, залуучуудыг хар тамхи, мансууралд оруулж байгаа гол зүйлийн нэг бол хар тамхины талаар тодорхой мэдлэггүй байх, жилгүйдэл, хамт олон гэр бүлийн тааламжгүй харилцаа, гэр бүл салалт, санхүүгийн хүндрэлтэй байдалд орох, хүчирхийлэлд өртөх гэсэн сөрөг хүчин зүйлсээс шалтгаалж хар тамхинд орж байна.

Эрүүл амьдралын хэв маягтай, зөв орчинд хүмүүжсэн хүүхэд өөртөө итгэлтэй, бусдыг даган дуурайхгүй, хэн нэгэн хар тамхи хэрэглэхийг санал болгоход “Үгүй” гэж хэлж чадах чадвартай, насан туршийн дархлаатай болж хүмүүждэг.

Тиймээс хүүхдийнхээ хүсэл сонирхлыг мэдэж, сайн сонсож, тулгарсан асуудлыг нь шийдэх, зөвлөгөө өгөхөд эцэг эхчүүд анхаараарай гэж зөвлөмөөр байна. Мөн Монгол Улсад хориглосон болон хэрэглээ нь хязгаарлагдмал мансууруулах эм, бодисын агууламжтай, жорын дагуу олгогддог эм, бэлдмэлийг хууль бусаар олж авах, хадгалах, хэрэглэх, цахим сүлжээ ашиглан ил болон далд хэлбэрээр худалдаалж байгаа хууль бус үйлдэл их бүртгэгдэж байгаа тул эцэг, эхчүүд хүүхдийнхээ цахим хэрэглээнд хяналт тавьж, хар тамхийг сурталчилсан мэдээллээс ангид байлгахад анхаарах шаардлагатай байна.

Мансууруулах бодис хүний биед

Бүх эрхтэнд үхжил үүсгэж, үхжил дахин хэзээ ч сэргэхгүй. Тархинд гэмтэл үүсгэж, оюуны чадамжийг алдагдуулж, дотор эрхтнийг өвчлүүлж, хатууруулдаг байна. Насан туршдаа дотор эрхтний болон тархины үйл ажиллагааны дутагдалтай амьдарч сэтгэцэд маш ихээр нөлөөлдөг. Бүх эрхтэнд үхжил үүсгэж, үхжил дахин хэзээ ч сэргэхгүй.

Хар тамхийг анх хэрэглэж эхэлсэн хүн “Ганц удаа татлаа гээд орчихгүй” хэмээн найдаж, түүндээ лавшран, дараа дараагийн удаа хэрэглэсээр нэг мэдэхэд бүр мөсөн орж, бие сэтгэлээ захирч чадахгүй болсон байдаг. Хар тамхины найрлага нь хүний цусыг бохирдуулснаар донтуулдаг. ТHC (tetrahydrocannabinol) хэмээх бодис нь уураг тархинд шууд нөлөөлж, дофамины (адреналлинийг ихэсгэж, донтох эмгэгийг үүсгэдэг) хэмжээг эрс нэмэгдүүлж, биеэ барих чадварыг алдагдуулдаг. Ингэснээр хүн өөрийн мэдэлгүй амиа хорлох, бэлгийн харьцаанд орох, бие эрхтнээ гэмтээх зэрэг үйлдлийг хийдэг.

СЭТГЭЦИЙН ЭРҮҮЛ МЭНДИЙН БОЛОВСРОЛЫГ ХҮН БҮРД

Хар тамхи хэмээх тахал нь дэлхий дахинаа хамгийн томоохон асуудлуудын нэг болоод удаж байгаа ба үүнд "Ганцхан хэрэглээд болино" гэж байхгүй!

МАНСУУРУУЛАХ БОДИСЫН ЭЦСИЙН БАЙ БОЛ ХЭРЭГЛЭГЧ, ХЭРЭГЛЭГЧЭЭС ЗААВАЛ ЗОЛИОС НЭХДЭГ!

Та эсвэл таны эргэн тойронд уг зүйлээс хараат болсон хүн байгаа бол мэргэжлийн хүнээс зөвлөгөө авахыг зөвлөж байна.