Согтуурсан үедээ бусдын хоёр нүдийг ухаж, сохолжээ. Баянзүрх дүүргийн нутаг дэвсгэр 16-р хорооллын дугаар байрны тоот орцонд 27 настай эрэгтэй Г-ийн хоёр нүдийг ухаж, эрүүл мэндэд нь ноцтой хохирол учруулсан хэрэг гарчээ.

Тодруулбал, өнгөрсөн тавдугаар сарын 14-ний шөнийн 02 цаг орчимд Б.Батбаяр нь найз гэх хүний хамт Г-ын хоёр нүдийг нь ухаж хэрцгийгээр зодсон аж. Улмаар Г-ын хоёр нүд сохорч бүрэн хараагаа алджээ.

Тус хэргийг Баянзүрх дүүргийн цагдаагийн нэгдүгээр хэлтэст шалгаж байсан бөгөөд Нийслэлийн прокурорын газарт үргэлжлүүлэн шалгаж байна. Тус хэргийг үйлдсэн Б.Батбаяр нь өмнө хоёр ч удаа ял шийтгүүлж байжээ.

2010 онд танхайрах, 2012 онд бусдын биед хүнд хэлбэрийн гэмтэл учруулах хэрэгт холбогдож 2013.02.14-ний өдөр шүүхээс 7 жилийн хорих ял шийтгүүлсэн ч жилийн дараа өршөөлийн хуулиар суллагдсан гэх мэдээлэл байгаа юм.

Өмнө хоёр удаагийн гэмт хэрэг үйлдсэн Б.Батбаяр нь дахин бусдын эрүүл мэнд, амь насанд заналхийлж, хохирол учруулах магадлалтай түүнийг хувийн батлан даалт буюу цагдан хорихгүйгээр шалгаж байгаа ажээ. 

"Б.Батбаярын хамаарал бүхий хүмүүс цагдаагийн байгууллага болон Нийслэлийн прокурорт ажилладаг тул удаа дараа гэмт хэрэг үйлдсэн ч ял шийтгэлээ эдэлдэггүй, автан гэмт хэрэг үйлддэг байж болзошгүй байна"