Харшил гэж юу вэ?

Хүний бие махбодын дархлааны тогтолцоо  Ямар нэгэн гадны бодисын эсрэг хариу урвал үзүүлэхийг ХАРШИЛ буюу АЛЛЕРГИ гэнэ.

Харшил юунаас үүсдэг вэ?

Харшил үүсгэгчийг тодорхойлж болно. Харшил буюу аллергеныг тодорхойлохын тулд арьсны сорил, онцгой эсрэг биетийг шинжлэх арга, өдөөгч тестүүд, хүйтэн ба халууны тестүүд хэрэглэдэг.

Харшил үүсэхэд генийн болон гадаад орчны хүчин зүйлс нөлөөлдөг. Үүнд:

-Ургамлын тоосонцор

-Сул шороо, тоос

-Нар, хэт халуун болон хүйтэн агаар

-Хоол хүнс

-Ахуйн хэрэглээний бодис

-Гэрийн тэжээвэр амьтан.

Амьсгалын замын шинж тэмдэг:

Нүд, хамар, хоолой сэрвэгнэх,хамар битүүрэх, нус гойжих, найтаах,нулимс гарах, ханиалгах, цээж бачуурах, хэржигнэх,шуугиантай амьсгалах.

Арьсны шинж тэмдэг:

Хэсэг газарт загтнах, арьсны тууралт, бэлцрүүт тууралт гарах, атопийн дерматитийн шинж.

Улирлын чанартай ургамалын тоосны харшил нэмэгдэж буй энэ цагт иргэд мэргэжлийн байгууллагад хандалгүй фб орчноос мэдээлэл авч дур мэдэн амнаас ам дамжсан өндөр тунтай гормоны тариа, дусал тариануудыг гэрээр хийдэг болжээ. Ингэснээр таны амь насанд ямар ямар эрсдэл хүлээж буйг зөвлөе!

1. Өндөр тунтай кортикостериод нь бөөрний дээд булчирхайн дааврын ялгаруултанд нөлөөлж улмаар дутагдалд оруулах, уг тарианаас хамааралтай болгох

2. Уг тариаг хийхдээ биеийн байдлыг нь үнэлээгүйгээс тарианы гаж нөлөөний дайралтанд оруулж дархлааны урвалаар нөхцөлддөг эргэшгүй хүнд эмгэгт хүргэх

3. Уг тариаг мэргэжлийн бус хүн хийж байхдаа судас дайрах, техникийн алдаа гаргаснаар буглаа үүсэх эсвэл арьс хатингарших, шигдээс, харвалт үүсгэх

4. Зүрх судасны архаг өвчтэй даралт ихтэй, цус өтгөн, хордлого ихтэй хүмүүсд уг өвчнийг хүндрүүлэх бүлэн (тромб) үүсгэж амь насанд эрсдэл үүсгэх аюултай байгааг анхаарна уу!