ТЕГ-ын дарга асан, генерал Б.Хурц өөрийнхөө бяр чадлыг гайхуулах гэж Изинис эйрвэйз компанийг байгуулсан гэлцдэг. 

Мөн Хөгжлийн банкны их дуулианд аав, ээж, ах, дүү, хүү, бэртэйгээ цоллуулсан Изинис Эйрвэйз компани Хөгжлийн банкнаас агаарын тээврийн үйл ажиллагааг өргөжүүлэх, үнэ тарифыг бууруулахад зориулж 22.9 тэрбум төгрөгийн зээл авсан байдаг. Үүнээс 7.5 тэрбум төгрөгийг бусад банк дэх зээлийг төлж хаахаар зориулалтын бусаар зарцуулсан, 1.7 тэрбум төгрөгийн зарцуулалт нь тодорхойгүй гэх шинжээчийн дүгнэлт гарч байв. 

Тэгвэл Б.Хурц генерал дэлхийн хаашаа ч явсан дураараа дургих гэж байгуулсан компаниа хөсөр хаяж, тоохоо больсон бололтой.

Учир нь тус компанид ажилладаг 130 орчим ажилчид өнгөрсөн хоёрдугаар сараас эхлэн өдийг хүртэл цалингаа авч чадахгүй байгаа бөгөөд хэзээ цалингаа авахыг ч тааж, хэлэх боломжгүй нөхцөлд ажиллаж байгаа ажээ.

Цалингүй дөрвөн сар орчим хугацаанд ажиллаж байгаа тэдний хувьд банкны зээлийн хугацаа хэтрэх, зээлийн ангилал нь буурч Монгол банкны хар жагсаалтад орохоос эхлээд асуудлууд ар араасаа үүсч, хоосон ходоодтой хоногуудыг арайхийн тэсч байгаа талаар эх сурвалж ярьсан юм. 

Өөрсдөө төсвийн мөнгөнөөс "хулгайлж" аяга, тавагны соёл, дэлхий ертөнцийн гайхамшгаар сургааль айлдаж, үнэтэй брэндээр биеэ битүү хучдаг олигархын гэр бүл ажил хийж цалингаараа амьдардаг гэдгийг мэддэггүй болохоор энгийн ардын хүүхдүүд хэдэн сар цалингүй, орлогогүй явах нь тэдэнд огтхон ч хамаагүй байдаг бололтой.