“Forbes” сэтгүүлийн хамгийн их орлоготой эрэгтэй жүжигчдийн жагсаалтыг 2019 оноос хойш тэргүүлсэн АНУ-Канадын алдарт жүжигчин, продюсер, бизнесмен, Америкийн мэргэжлийн бөхийн домог “The Rock” буюу Дуэйн Жонсон "The HU" хамтлагийн фэн бололтой. Тэрбээр өчигдөр /2022.05.19/ инстаграм хаяг дээрээ бичлэг оруулахдаа Монголын "The HU" хамтлагийн "The Wolf Totem" дууг тоглуулжээ.

Монгол хамтлагийн, Монгол хэлээр дуулсан энэхүү дууг дэлхийн олон сая сошиал хэрэглэгч алдарт жүжигчний постноос ийнхүү сонсов.

Түүнийг инстаграм дээр 315 сая хүн дагадаг бөгөөд дагагчдынхаа тоогоор дэлхийд дөрөвт бичигддэг юм. Одоогоор /2022.05.20/ түүний пост дээр дөрвөн сая гаруй хүн лайк дарж, 20 мянга гаруй хүн коммент бичжээ. Монгол хамтлагийн, Монгол хэлээр дуулсан энэхүү дууг дэлхийн олон сая сошиал хэрэглэгчдэд алдарт жүжигчин постоороо дамжуулж, ийнхүү сурталчлав. 

Харин алдарт жүжигчин Дуэйн Дуглас Жонсон постныхоо тайлбарт "Бид ажилдаа явдаг. Чоно бол үргэлж архирдаг" гэжээ. 

Түүний тухай сонирхолтой зарим баримтыг хүргэе.

1. АНУ, Канадын хөлбөмбөгийн тамирчин байсан тэрбээр 1972 оны тавдугаар сарын 2-нд АНУ-ын Калифорниад төрсөн. Одоо 50 настай. Майяамигийн их сургуулийн хөлбөмбөгийн тамирчин байхдаа 1991 онд Үндэсний аварга болж байв.

2. Тэрбээр гурван үе дамжсан тамирчин. Рингний нэр нь “The Rock”. Түүний аав Роки Жонсон, өвөө /ээжийнх нь аав/ Петер Майвиа нь мэргэжлийн бөхийн тамирчин байсан гэдэг. Түүний аав Канадын хар арьстан, ээж нь Самоан хүн.

3. Дэлхийн бөхийн холбоотой 1996 онд гэрээ байгуулж найман жил мэргэжлийн бөхөөр хичээллэсэн.  Энэ хугацаандаа 10 удаа дэлхийн аварга, таван удаа багийн аварга, хоёр удаа тивийн аварга болсон.

4. Анх 2002 онд “Хилэнцэт хорхойн хаан”/The Scorpion King/ кинонд тоглож ямар чадварлаг жүжигчин болсноо харуулснаар кино урлагт нэрд гарч эхэлсэн юм. Хамгийн сүүлд /2021/ тэрбээр “Red Noitive" кинонд тоглосон. Тун удахгүй буюу 2022 оны долдугаар сарын 29-нд түүний тоглосон "Back Adam" кино үзэгчдийн хүртээл болно.

5. “HBO” телевизийн хамгийн алдартай цувралуудын нэг болох  “Ballers”-д дүр бүтээхийн сацуу продюсерээр ажилласан.

6. “Рок ярьж байна” /The Rock Says.../ нэртэй өөрийн намтраар бүтээсэн номоо 2000 онд гаргасан нь Нью Йорк  Таймсийн шилдэг борлуулалттай номын жагсаалтыг тэргүүлсэн.

7. Эрсдэлтэй нөхцөлд амьдардаг, хүнд өвчтэй хүүхдүүдэд туслах  "Дуэйн Дуглас Жонсон" сангаа 2006 онд байгуулсан.

8. Дэлхийн нөлөө бүхий 100 эрхмийн жагсаалтад 2016, 2019 онд багтсан.

9. Тэрбээр анхны эхнэр Дани Гарсиатайгаа 1992 онд гэрлэсэн. Тэдний охин Симон одоо 21 настай бөгөөд мэргэжлийн бөхөөр хичээллэж, тамирчны удмаа залгамжилсан юм.

10. Одоогийн эхнэр бөмбөрчин Бостоны охин Сиб Хашиантайгаа 2019 оны наймдугаар сард гэрлэсэн. Тэд хоёр охинтой.