Чуулганы хуралдаан болж байна. Хуралдаанаар Авто тээврийн тухай хуульд нэмэлт өөрчлөлт оруулах хуулийн төслийн хэлэлцэж, эцсийн хэлэлцүүлгийг хийлгэхээр Эдийн засгийн байнгын хороонд шилжүүллээ. Тус хуулийн төсөлтэй холбоотой асуудлаар гишүүд асуулт асууж, хариулт авлаа.

УИХ-ын гишүүн Н.Наранбаатар:

С зөвшөөрлийг Авто тээврийн үндэсний төв, Зам тээврийн яам нь мэдэхээ болиод УУХҮЯ, Сангийн яам нь мэддэг болчихсон гэж ойлгож байна зөв үү. Хэрвээ яг ийм байдлаар явах юм бол болохгүй. Худалдан авагчийн саналаар гэвэл ганцхан урд хөрш л байгаа шүү дээ. Тэд мэдээж өөрсдийнхөө компанид л С зөвшөөрлөө өгнө. Хэдхэн үндэсний компани дампуурчих вий дээ. Эдийн засгийн байнгын хороогоор орохдоо эхнээс нь ярьж Монгол Улс, тээвэрчдийнхээ эрх ашгийг маш сайн бодолцож үзээрэй. Гадаадын хөрөнгө оруулалт, худалдан авагчдад илт давуу байдал олгосон хууль биш үү. Сүүлийн үед боомтуудын нэвтрэх чадвар сайжраад байгаа. Энэ сарын 25-наас уртын тээвэр явуулж эхэлж байгаа. Задгай тээвэр эхлэх гэж байна. Ингээд ажил аятайхан жигдрээд явж байхад нь, хуулинд өөрчлөлт оруулаад будилуулчих вий дээ. Өөр өөр чиглэлийн яамдууд тээвэртэй холилдоод замбараагүй байдал болоод явчих юм биш биз дээ гэсэн эмээлт байна.

ЗТХЯ-ны Авто тээврийн бодлогын хэрэгжилтийг зохицуулах газрын дарга Ё.Жаргалсайхан:

Улс хоорондын тээвэрлэлтийн зөвшөөрөл гаргахтай холбоотой Авто тээврийн тухай хуулинд нэмэлт өөрчлөлт оруулах санал тавигдсан. Ажлын хэсгээс ирэх долоо хоногт УИХ-ын чуулганаар хэлэлцэгдэнэ гэж хэлсэн.