Магадгүй Нийслэлийн Засаг даргын орлогч хүн ингээд хэлчихээр хэн нэгэнд инээдэм болж сонсогдож болох ч жагсагчид сүүлдээ арай хэтэрч байгаа нь үнэн шүү дээ.

Өнөөдөр Нийгмийн хөгжил, боловсрол, эрүүл мэндийн асуудал хариуцсан орлогч З.Төмөртөмөө жагсагчидтай уулзах үеэрээ “Ний нуугүй хэлэхэд  төр засгийн зүгээс жагсагчдад чөлөөтэй боломж олгож байгаа. Хог шороог нь цэвэрлэж өгөхөөс эхлээд аль болох хүсэлтийг нь хүлээж авч  байна. Маргааш УИХ-ын даргын санаачилгаар томоохон нээлттэй сонсгол хүртэл болох гэж байна” гэв.

Эхлээд жагсагчид гэр, ариун цэврийн өрөө, дулаан автобус, индер, кабель, эд хогшил гээд хүсэлтээ уламжилсан. Бүгдийг ёсоор болгосон харагдана лээ. Гэтэл сүүлдээ гэр бохир байна, цэвэрлэж өг, хогийн шүүр алга гэхчлэн “алтан загасны үлгэр” шиг юм яриад суух болжээ.

Өнөөдөр бүр Соёлын төв өргөөг нээж өгч залуучуудаа зөвшилцөх, байр сууриа нэгтгэх өрөө танхимтай болгож байх жишээний. Гэтэл жагсаалд оролцож байгаа зарим залуус “талбайгаасаа холдохгүй. Суудаг газраа л сууна” гэдэг зүйлийг ярьж байх юм. Уг нь олон талд яваад байгаа байр сууриудаа нэгтгэж, шийдэлд хүрч, зөвшилцөх орчноор хангах гээд байдаг, гэтэл үүнийг нь жагсагчид эсэргүүцэж байгаа нь хэр зохимжтой вэ.

З.Төмөртөөмөөгийн хэлээд байгаа ганц зүйл бол “Иргэдийнхээ аюулгүй байдлыг хангаж, эрүүл мэндийг нь хариуцаж байгаа эмч, цагдааруугаа ядаж битгий чулуу шидээч ээ. Яг л та бүхэнтэй адил хүмүүс гэртээ ч харьж чадахгүй албан үүргээ гүйцэтгэж байгааг ойлгооч ээ. Олон талд яваад байгаа үзэл бодол, үл ойлголцлоо нэгтэх боломжийг чинь нээж өгч байна. Түүнээс биш жагсаал, цуглааныг эсэргүүцэж хорьсон юм огт алга” гэх.

Төрийн албан хаагч, удирдах түвшний албан тушаалтан ингээд хэлчихээр худлаа болчихдоггүй л юм бол үнэний ортой л зүйл ажиглагдана лээ. Эрүүл мэнд, нэг талдаа гарч ойлголцох гэдэг зүйл огт хэрэггүй болчихсон юм уу жагсагчид аа!!!.