Яг одоо ХӨСҮТ-өөс томуу, томуу төст өвчний нөхцөл байдал, вакцинжуулалт болон шинээр бүртгэгдсэн коронавирус өвчлөлийн талаар мэдээлэл хийж байна.

Амьсгалын замаас өөрийгөө болон бусдыг сэрэмжлүүлэхэд вакцинжуулалтад хамрагдах, халдварын дэгдэлт ихтэй үед хүн олноор цугласан газар байхгүй байх, хэвтрийн дэглэм барих, эрүүл ахуйн дэглэмийг сайтар сахих, тайван байх, цэвэр агаарт алхах, улиралд нь тааруулж хувцас, дархлаагаа дэмжих зэргийг анхаарах шаардлагатай юм.

Томуугийн вирусын дэгдэлт өндөр байна. Тиймээс томуугийн вакцинжуулалтад хамрагдаж, дархлаагаа маш сайн дэмжих юм. Хэдийгээр манай улсад томуугийн А, В вирус идэвхтэй бус ч дэлхий дахин өндөр байна.

2022-2023 оны улирлын томуугийн вакцинжуулах үйл ажиллагаа 21 аймаг, 9 дүүрэгт зохион байгуулагдаж байна. Бага насны хүүхдүүд, 65 ба түүнээс дээш насныхныг зорилтот бүлэгт оруулж жил бүр вакцинжуулдаг байгаа. Энэ жилийн тухайд БНСУ-д үйлдвэрлэсэн вакциныг хийж байгаа. Нийт 190 мянган хүн вакцинжуулалтад хамрагдаад байна. Зорилтод бүлгийн хүмүүсийн 35 хувь нь хамрагдсан. Засгийн газраас үнэ төлбөргүйгээр томуугийн эсрэг вакцинжуулах ажлыг зохион байгуулж байгаа. Бүх хүн үнэ төлбөргүй вакцинд хамрагдаж болно. Вакциныг эрүүл хүнд хийхийг зөвлөдөг. Тиймээс өвчилсөн тохиолдолд тодорхой хэмжээнд хойшлуулж байгаа хийлгэх хэрэгтэй. 

Харин Коронавирусын халварын талаар "Өнгөрсөн долоо хоногоос хоёр дахин өсч 772 бүртгэгдсэн. Эмнэлгийн ачаалал сүүлийн хоёр долоо хоног эрс өссөн. ХӨСҮТ дээр 255 хүн коронавирусээр өвчлөгчид эмчлүүлж байгаа" гэдэг мэдээллийг өглөө.