АН-ын нэр бүхий гишүүдийн зүгээс С.Эрдэнийг Ерөнхийлөгч асан Х.Баттулгатай эвссэн гэдэг яриа гарч олон нийтийн анхаарлыг татаад байна. Үүнтэй холбоотой байр сууриудыг хүргэж байна.

АН-ын дарга М.Тулгат:

С.Эрдэнэ болиоч ээ. Намыг зарах гээд, өөрийгөө үнэд хүргэчих гээд гүйгээд байх юм. Ямар ичдэггүй юм бэ. Би өчнөөн тэрбумыг гаргасан гээд яриад явдаг юм гэсэн. Худалдаж авсан гээд зардлаа нөхөж, ашиг хийх ёстой юм уу. Балиар юм аа болих хэрэгтэй. Бүр өвлүүлээд байх юм.

ТОДРУУЛГА: Үндэсний хэмжээний намын дарга гэдэг бол үлгэр дуурайлалтай, залуу үедээ үлгэр жишээ болсон, дүрмийг сахиулсан, өндөр ёс зүйтэй удирдагч, лидер гээд хэн ч хүлээн зөвшөөрчихөөр сайхан хүн байдаг даа. Гэтэл С.Эрдэнэ даргын бүх юм эсрэгээрээ. Залуучуудад зааж харуулж үлгэрлэж байгаа юм юу ч байхгүй. Архидалт, завхайрал, намыг мөнгө төгрөг болгох, дүрмийг уландаа гишгэх, дангаараа ноёрхох, юун ардчилал, АН бүр цаашаа. Ийм байна. Гутамшигтай. Намыг зараад явах юм бол дараагийн авсан хүн нь бүр булшилна. Энэ нам наймааны тоглоомын хэрэгсэл болно. Тиймээс нэг ч төгрөгөөр намыг наймаалцах гэсэн санаархлыг чинь тас зөрнө. Туваан, Женко намыг мордож авах гээд хэсэг асуудал болж байх үед С.Эрдэнэ гуай дээр орж уулзаж байсан.  Тэр үед Женкогоос намаа хамгаалж байгаад нь талархан, дэмжсэн. Женко гэдэг нэг мангастай. Би мангасаас хамгаалж байна гэдэг үгтэй. Хамгаалаад байгаа юм байхгүй шүү. "Хэрээ хэрээнийхээ харыг гайхав" гэдэг юм болж байна шүү. Нийлж байгаад энэ намыг ийм болгочихоод. 

АН-ын дарга асан С.Эрдэнэ:

-Хэн нэгний шидсэн чулуугаар хүн цохиж алдаг хүмүүст хэлэхэд би тэр алдаг алуулдаг хүмүүстэй чинь адил биш шүү! Женкотой уулзаж гар хөл барилцсан зүйл байхгүй! Өнөөдрийг хүртэл АН-ын үнэт зүйл үзэл санаан дээрээ тууштай зогсож ирсэн! Жонхуугийн троллууд бага шиг МАНгартаарай новш.

ТОДРУУЛГА: Х.Баттулгатай нэгдэж гар хөлөө барьсан гэдэг мэдээлэл худал. 1990 оноос хойш АН-д байгаа, Ардчилалын үнэт зүйлийн төлөө сэтгэл зүрхээрээ явж байгаа маш олон АН-ын гишүүд Х.Баттулгын гээд байгаа тэр талд өнөөдрийг хүртэл үйл ажиллагаа явуулж ирсэн. Тэдгээр хүмүүст нэгтгэх хүсэл сонирхол байгаа. Тэгэхээр би Х.Баттулга буюу түүнийг тойрон хүрээлэгчидтэй ямарч яриа хэлэлцээрт ороогүй гэдгийг хатуу хэлмээр байна. Яагаад гэвэл эдгээр хүмүүстэй 5 жил гаруйн хугацаанд АН-ын бүрэн бүтэн байдлыг хамгаалж тулж ажиллаж ирсэн.  Тиймээс Женко Баттулгатай гар барьсан, ямар нэгэн яриа хэлэлцээр хийсэн зүйл байхгүй. Цаашдаа ч энэ байр суурин дээрээ хатуу зогсоно. Өнөөдөр Монгол оронд үүсээд байгаа улс төр, эдийн засгийн хүндрэлтэй нөхцөл байдлуудын суурийг тавьсан, алдаа завхралын гол алхмуудыг хийлцсэн хүний нэг бол Х.Баттулга гэж би хувьдаа үздэг. Тэр утгаараа энэ хүнтэй тодорхой хэмжээний хариуцлагыг ярих ёстой.Үл ойлголцсон байдал хэвээрээ байгаа.

АН-ын Нарийн бичгийн дарга асан О.Баасанхүү:

-С.Эрдэнэ гэж хүнийг эрүүгийн хэрэгт ороход нь өмөөрч, эрх мэдэлгүй байхад нь 2 жил яс хамгаалан хүний өөдөөс дуугарах үгтэй болгож өгөв. Эцэст нь Женкогийн бөгсийг долоож өөрт нь хийж өгсөн бүгдийг нулимаж байгаа юм биз дээ. Үнэндээ Женког муулах шалтаг надад байгаагүй. Эрийн сүг" хэмээжээ.

АН-ын дэд дарга асан Ц.Оюундарь:

Женкотой хувь хүний хувьд асуудалгүй ээ. Гэхдээ АН-аас нэр дэвшиж, Ерөнхийлөгч болонгуутаа явуулсан Ардчилсан тогтолцооны эсрэг бүхий л үйлдлээс нь, АН-ын олон арван лидерүүдийг шоронд хийж, үнэт зүйлээ гишгэлэхийг нь хараад Оросын агент болжээ гэдэгт итгэх болсон, харамсалтай.