Улсын эмнэлгүүд ачааллаа дийлэхээ байсан энэ цаг дор дахин нэг таагүй байдлыг онцлохоос өөр аргагүй байна.

Манай улсад өвөл гэж улирал ханиад томууны улирал гэж нэрээ солиод удаж байгаа. Ганц өвөл ч биш бүх улирал өвчний нэртэй. Харшлын улирал, томууны улирал гэхчлэн. Тэгвэл томууны улирал эхэлж байгаа эдгээр өдрүүдэд улсын гэх тодотголтой эмнэлгүүд ачааллаа дийлэхээ байж, ор хоног ч гарахаа байлаа гэж иргэд халаглаж сууна. Нөгөөтэйгүүр эмнэлгийн орчин нөхцөл гэж яг л өнөөх өвдөөд очиж байгаа хүнийхээ сэтгэлзүйтэй агаар нэг.

Ая тухтай орчин, найрсаг хамт олон, цэвэр тохьтой гэдэг зүйл эмнэлгийн байгууллагаас лав алс хол. Эмнэлэг, эрүүл мэндийн салбарын асуудал юуг дурдвал энд дуусахгүй шахуу зүйл болох учир ганцхан жишээг фото хэлбрээр хүргэж байна.

Улсын Гуравдугаар Төв эмнэлгийн хүлээлгийн хэсгийн одоогийн нөхцөл байдал нэг иймэрхүү.

Цахилгаан шатны ойролцоо хэдхэн суух сандал. Бусад хэсэгт суух сандал байтугай нь алга.

Өвчтэй нэгнээ эргэж очиж байгаа ар гэрийнхэн, өвдөөд эмнэлэг бадаараж байгаа өвчтөн, сахиур гээд үйлчилгээний байгууллага, тэр дундаа улсын гэх тодотголтой томоохон эмнэлгийн өнөөдрийн нөхцөл байдал ийм л байна. Ийм байдалтай байж хөгжил, олон улсын жишиг ярих ч илүүц биз. Өвчтөн, түүний ар гэрийнхэн шийтгүүлж байгаа аятай ийм үйлчлүүлсээр байх уу?.