УУХҮ-ийн сайдаар УИХ-ын гишүүн, олноо “Оргил”-ын гэх тодотголтой Ж.Ганбаатарыг томилсон. Дарга тушаал ахисан бол цэргүүд шагналаа хүртэх нь ойлгомжтой. Ямартаа ч түүнийг сайд болсныг тэмдэглэж, бялуугаа хүртэж яваа хэд хэдэн хүн байна.

Тэдний нэг бол БГД-ийн Засаг дарга Ө.Сумъяабаатар. Түүний орлогч, зөвлөх, эрхэм сайд Ж.Ганбаатарынхаа туслахыг дагуулан БНСУ-д яваа зургийг дэлгэж байна. Тэд өнгөрсөн долоо хоногт ийн БНСУ-ыг зорьжээ. БГД-ийн Засаг дарга Ө.Сумъяабаатар албан айчлалтай яваа юм байна. Харин түүнийг дагаж хэчнээн хүн явсныг дээрх зурган дээрээс харж болно. Гэхдээ өөр нэгэн эх сурвалжийн мэдээллээр тэд тус бүртээ явж байгаад ийн таарсан ч гэх. Мөн тэд үүнээс өмнө төсвийн мөнгөөр Дубайд аялаж багагүй хэл аманд өртсөн байдаг.

Төсвийн мөнгө уйлдаггүй гэдэг шиг ард иргэд ковидоос хойшх хямралаасаа гарч чадаагүй байхад зарим нэг нь бялуугаа хувааж, бөөн бөөнөөрөө зугаалж явах.

Ер нь төрийн хэмнэлтийн хууль, төсвийн ил тод байдлыг ярьж байгаа өнөөгийн Засгийн газар хуулийг чангаруулж, гадны айлчлал, томилолт, албан ажил, сургалт нэрийдэлтэй хурган дарга нарын "томилолтод” хяналт тавьж,  гадагшаа "зугаалганд" хэдэн төгрөгийн төсөв урсаж байгааг ил тод зарламаар юм.

Дээрх дарга нарын тухайд дүүргээсээ төсөв гаргуулаагүй, хувиасаа гэх тайлбарыг хэлж мушилзах биз. Гэхдээ эх сурвалжийн мэдээллээр, Жижиг, дунд үйлдвэрийн газрын дарга Я.Эрдэнэсайхан томилолтын төсвөө бүрдүүлэхэд их л тус дэм болсон сурагтай. Я.Эрдэнэсайханы тухайд УУХҮ-ийн сайд Ж.Ганбаатарын ойрын хоёр хүний нэг нь. Харин нөгөө нь мөрийтэй тоглоомын хэргээр шившгээ дэлгэж саяхан ажлаа өгсөн НДЕГ-ын дарга Д.Зоригт юм. Товчхондоо, Ж.Ганбаатарын хүмүүс л албан ажлаар томилолттой гэж гадагшаа явж, зарим нь зугаалж яваад таараад байна цаана чинь. 

Баянголынхны балаг үүгээр дуусахгүй. Тушаал авч хөдөлдөг хэсэг хүмүүсийн дүүрэг болчихоод байгаа нь ч нууц биш. Мөн ял авсан дүүргийн төлөөлөгчдөө хариуцлага тооцчихож чаддагүй.

Үргэлжлэл бий...