Чуулганы хуралдаан болж байна. Хэлэлцэж буй асуудалтай холбогдуулан гишүүд асуулт асууж, хариулт авч байна.

УИХ-ын гишүүн Б.Баттөмөр “Монгол Улсын хөгжлийн потинциал асар өндөр байгаа. Дэлхийд дээгүүр бичигдэж байгаа. Тэгэхээр том хармаар байна. Экспортыг дэмжиж 11 тэрбум доллар оруулж, 2019 оны түвшинд хүргэнэ гээд байгааг ойлгохгүй байна. Далд эдийн засгийн ил болгоход оруулж ирж байгаа нь сайн хэрэг.

Нэгдүгээрт, ипотекийн зээлээ яах гэж байна. Үүнээс болж 4.5 их наяд төгрөгийн зээл гаргасан. Дунд давхарга болон залуучуудыг дэмжих энэ ажилдаа ямар арга хэмжээ авах гэж байна.

Хоёрдугаарт, орон нутагт ашиглалтад ороогүй, гүйцэд баригдаагүй обьектуудыг зарж, хувийн хэвшилд шилжүүлвэл яадаг юм ” гэлээ.

Сангийн сайд Б.Жавхлан “Бид далд хэлбэрт байгаа эдийн засгаа удирдаж чадахгүй явж байгаа. Үүний эсрэг Засгийн газар дуу нэгтэйгээр хатуу ч гэсэн арга хэмжээ авахаар зорьж байна. Ипотекийн зээлийн бодлого үргэлжилнэ. Хэмжээний хувьд зах зээлээсээ хамаарна. Иргэдийн худалдан авалт, банкуудыг нөхцлийг харгалзана. Орон нутагт баригдаж дуусаагүй обьектууд байгаа. Үүнийг ирэх жил гэхэд бүрэн дуусгана. Цаашдаа төр-хувийн хэвшлийн түншлэлээр хэрэгжүүлэх бодлого барина” гэв.