УИХ-ын намрын ээлжит чуулган өчигдөр /2022.10.03/ нээлтээ хийв. Харин өнөөдөр байнгын хороод хуралдаж байна. 

Намрын чуулганаар 64 хууль, тогтоолын төсөл хэлэлцэхээр төлөвлөөд байгаа билээ.

УИХ-ын Намрын ээлжит чуулганаар хэлэлцэх онцлох хуулиудын нэг хэсэг нь Боловсролын багц хуулийн төсөл /Боловсролын ерөнхий хууль /Шинэчилсэн найруулга/-ийн төсөл, Сургуулийн өмнөх болон ерөнхий боловсролын тухай хууль /Шинэчилсэн найруулга/-ийн төсөл, Дээд боловсролын тухай хууль /Шинэчилсэн найруулга/-ийн төсөл, Судалгааны их сургуулийн тухай хуулийн төсөл болон хамт өргөн мэдүүлсэн хуулийн төслүүд юм.

УИХ-ын гишүүн Ц.Мөнхцэцэгийн хувьд  үндэсний боловсролын тогтолцоог шинэчлэх, улам боловсронгуй болгохын тулд БОЛОВСРОЛЫН РЕФОРМ хийх зайлшгүй шаардлагатай гэж үздэг. Энэ утгаараа дээрх хуулийн төслүүдээр “Миний бие УИХ-ын гишүүнээр сонгогдохдоо тэгш, хүртээмжтэй боловсролыг бий болгох шинэчлэл хийх зорилго тавьсан билээ. Боловсрол нь хүн бүрийн насан туршийн амьдралыг шийдэгч чухал зүйл, нийгэм дэх анги давхаргын ялгаа, тэгш бус байдлыг арилгагч гол түлхүүр учраас хүн бүрт чанартай боловсролыг олгох нь төрийн үүрэг юм.   Энэ намрын чуулганаар хэлэлцэгдэх Боловсролын багц хуулийн төсөлд боловсролын шинэчлэлийн гол зохицуулалт бүрэн багтсан байгаа юм. Энэхүү багц хуулийн төслийн Судалгааны их сургуулийн тухай хуулийн ажлын хэсгийг ахалж ажиллана” хэмээн байр сууриа илэрхийлжээ.