Өчигдөр /2022.04.07/ Засгийн газрыг ажлаа хийхийг шаардаж тайван жагсаал хийсэн.

Харин тус жагсаалыг мүүрийн 04:00 цагийн үед цагдаа нар хүч хэрэглэн жагсаалыг албадан тарааж буй зураг бичлэг цахим сүлжээнд тархаж, 67 иргэнийг саатуулсан гэх мэдээлэл байгаа юм.

Жагсаалд оролцож байсан иргэдийг хүч хэрэглэн саатуулсан асуудлаар цагдаагийн байгууллагаас өнөөдөр /2022.04.08/ өглөө 09:30 цагт Эрүүгийн цагдаагийн албаны байрнаас мэдээлэл хийлээ. Мэдээллийнүеэр ЦЕГ-ын дэд дарга бөгөөд Нийслэлийн цагдаагийн удирдах газрын дарга Р.Отгонжаргал "Өчигдөр өглөө 10:00 цагаас эхэлж залуус тайван жагсаалаа эхлүүлсэн. Хуульд зааснаараа урьчилж мэдэгдээгүй. Иргэдэд цагдаагийн байгууллын зүгээс үзэл бодлоо чөлөөтэй илэрхийлэх, янз бүрийн байдлаар нийгмийн дэг журам зөрчигдөхгүй, иргэдийн эрх чөлөөнд халдахгүй байхыг удаа дараа сануулсан. Цагдаагийн байгууллагын зүгээс тасралтгүй хяналт тавьж ажилласан. Залуусын дундаас ус ундааны сав шидэх, талх шидэх зэрэг эсэргүүцлээ илэрхийлсэн. Жагсаал 09:00 цагийн орчимд жагсаалын бүтэц өөрчлөгдсөн. Жагсаал шингэрсэн, нийтийн хамарсан жагсаалд бусдыг турхирсан үг хэллэг хэлж эхэлсэн. Цагдаагийн шаардлагыг эсэргүүцэж, төрийн тусгай обьектод дайрч, согтууруулах ундааны зүйл хэрэглэсэн хүмүүс олширсон. Залуусыг тарахыг шаардсан. Цагдаагийн алба хаагчдын эрх чөлөөнд халдсан, тархи толгойг нь хагалсан, ажилд нь саад учруулсан. Жагсагчдын дунд насанд хүрээгүй иргэд, хүүхдүүд байсан. Тиймээс 03:40 цагт жагсаалыг тараасан. Үндсэндээ 20-иод иргэнийг түр саатуулан, шалгаж байна. Харин 18 иргэнээс согтолтын зэрэг тогтоосон, эрүүлжүүлсэн" гэлээ.

Мөн ЦЕГ-ын Хэвлэл мэдээллийн төвийн дарга, Цагдаагийн хурандаа Б.Баатархүү "Жагсаалын үеэр цагдаагийн долоон албан хаагч бэртсэн. Толгой нь хагарсан, гар хугарсан. Тэдэнд эмнэлгийн тусламж үзүүлсэн" гэх мэдээллийг өглөө.