Ерөнхийлөгч асан Ц.Элбэгдорж өөрийн цахим хуудсаараа улс орны эдийн засаг, өнөөгийн нөхцөл байдал, АН-ын асуудлаар мэдээлэл хийлээ. Түүний мэдээллээс онцлох 10 ишлэлийг хүргэж байна.

1. Төрийг тойроод шударга ёс гээд яриад хашгараад байдаг. Зүгээр л иргэдэд эрх чөлөөний боломжоо эдлэхэд туслах нь төрийн шударга ёс шүү дээ.
2. Бүх шатанд төр хулгай хийдэг болчихсон. Өмнө нь ч ийм байсан. Энийг өөрчлөх гэж явж л байсан.
3. Технологи дагасан бизнес бол хамгийн ирээдүйтэй. Монголд шөнө ажлаа хийгээд өглөө, өдөр болж байгаа газарлуу бизнесээ явуулаад мөнгөө аваад сууж байгаа маш олон хүн байна.
4. Бүх юмаа шилэн болгоод бүгдээрээ урагшлая. Хамтдаа явая. Хэнийг ч битгий орхи.
5. Монгол хүн нэр төртэй амьдарч чаддаг улс болгоё. Эрх чөлөөгөө хангаж, хүнд сурталтай тэмцэе.
6. Иргэдийн төлөөлөгчдийг амилуулая. Тэр хүмүүсээрээ дамжуулаад асуудлаа шийддэг байя. Тэндээс гарч ирсэн хүмүүсээ намын Их хурлаар ёсчлон баталдаг болоё.
7. Нам, нам өөр дүрмээр биш ижил дүрмээр л тоглоё.
8. Нам хэм хэмжээ тогтоодог биш, тогтоосон хуулийн дагуу ажилладаг, харин хуулийн дүрэм журмыг Сонгуулийн ерөнхий хороо нь гаргадаг байх хэрэгтэй. Нам зөвхөн гарын авлага л гарга л даа.
9. УИХ-ын 11 гишүүнээс хоёр дахь удаа болон түүнээс дээш удаа ажиллаж байгаа гишүүн байна. Тэр улстайгаа ойрхон ажиллая. Заавал хүнээ хөөдөг, хасдаг байж яах юм бэ.
10. Н.Алтанхуягийг явуулчих шахлаа. Ийм шударга ёс байдаг юм уу. Даргаас шударга ёс нэхэх биш төрөөс шударга ёс нэхэх ёстой.  Бүх шатандаа хулгай хийдэггүй л төртэй болчихъё.