Монгол Улс дахь НҮБ-ын суурин төлөөлөгчийн газар, Эдийн засаг, хөгжлийн яам, Нийслэлийн Засаг даргын Тамгын газраас Нэгдсэн үндэстний байгууллагын тогтвортой хөгжлийн зорилтуудын талаарх олон нийтийн мэдлэг ойлголтыг дээшлүүлэн, хэрэгжилтийг эрчимжүүлж, иргэд, байгууллагын оролцоо, түншлэлийг дэмжих зорилгоор “Тогтвортой хөгжлийн зорилтын нээлттэй өдөрлөг” арга хэмжээг Сүхбаатарын талбайд 2022 оны есдүгээр сарын 10-ны өдөр зохион байгууллаа.

НЭМГ-ын 2022 оны наймдугаар сарын 18-ны өдрийн 156 тоот тушаалыг үндэслэн уг арга хэмжээнд Нийслэлийн Шүд, эрүү нүүрний төв нь шүдний өвчлөл, урьдчилан сэргийлэх чиглэлээр үзлэг, зөвлөгөө, мэдээлэл өгч оролцов.

Нийслэлийн Шүд, эрүү нүүрний төвийн Стратик, бодлого төлөвлөлт хариуцсан орлогч дарга Б.Төрболд: Нийслэлийн Шүд, эрүү нүүрний төвийн зүгээс шүдний гажиг засах эмчилгээ болон түүнээс урьдчилан сэргийлэх талаар зөвлөгөө, үзлэг оношлогоог хийж байна. Шүдний үзлэг, зөвлөгөө авах гээд дараалал маш их үүссэн. 

Иргэд идэвхтэй хамрагдаж байгаа байна. 13:30 цагийн байдлаар 130 гаруй хүнд үзлэг хийгээд байна. 

Нийслэлийн Шүд, эрүү нүүрний төвийн нүүр амны эрүүл ахуйч, их эмч Б.Эрдэнэсайхан: Өнөөдөр /2022.09.10/ Сүхбаатарын талбай дээр харьяа байгууллагуудын нээлттэй өдөрлөг болж байна.Үүнд, Нийслэлийн эрүүл мэндийн газрын харьяа эрүүл мэндийн байгууллагууд тус тусийн чиглэлийн дагуу үйл ажиллагаагаа танилцуулж, иргэдэд урьдчилан сэргийлэх үзлэг, зөвлөгөөг үнэ төлбөргүй хүргэн ажиллаж байгаа.

Манай төвийн хувьд амны хөндийн урьдчилан сэргийлэх үзлэг, зөвлөгөөг иргэдэд хүргэж байна.Үзлэг хийж буй манай асраар ирсэн бүх насныханд нэг удаагийн багаж ашиглан тухайн хүнд тохирсон амны хөндийн үзлэг, зөвлөгөөг өгч байна.

Ихэвчлэн бага насны хүүхдүүд болон өндөр настангууд үйлчлүүллээ. Өндөр настай хүмүүс хиймэл шүд, бага насны хүүдүүд шүдний гажиг болон шүд цооролтын талаар зөвлөгөө мэдээллийг авч байна.

Үүнээс гадна амны хөндийн асуудлаа хаана яаж үзүүлэхээ мэдэхгүй байгаа тохиолдлууд нэлээд байна. Тэр дундаа ахмад настнууд хиймэл шүдээ хэрхэн хөнгөлөлттэй үнээр авах талаар асуулаа. Манай төвд үзүүлээд нийгмийн халамжийн хөнгөлөлтөөр хиймэл шүдээ хийлгэх боломжтой байгаа гэдгийн онцлон хэлмээр байна.