Өнөөгийн Гадаад хэргийн сайд Б.Батцэцэгийг жинхэнэ дипломат эмэгтэйн үлгэр дуурайлал гэлцдэг. Энэ нь биеэ маш цэгцтэй авч явдаг,  тухайн үеийн арга хэмжээндээ яг цав тааруулж хувцаслаж, стиль имижээ бүрдүүлж чаддаг гэдгийг илтгэж буй. Мөн харилцаа, аливаад хандаж буй хандлагаараа парламентэд суугаа эмэгтэйчүүдээсээ ялгарч чадаж байгаа дээр нь нэмэх оноо өгмөөр...

Тэгвэл тэрбээр жижиг, том гэж ялгалгүй  аливаад ул суурьтай хандаж, мэдрэмжтэй байж чаддаг гэдгээ дахин нэг гайхуулаад авлаа.  Учир нь B Production-ны студын нээлтэд оролцохдоо уригдсан зочдоо хүндэтгэж энгэртээ соль тэмдэг зүүсэн байгааг уншигч та харж байгаа байх. Үүнийг нь иргэд их л эерэгээр хүлээж авч байгаа нь цахим орчин дахь сэтгэгдлүүдээс харагдаж байна.

Зарим хүн урлаг, соёлын студи нээгдэхэд гадаад хэргийн сайд чухам яагаад зочлов гэж гайхаж байхыг үгүйсгэхгүй. Харин сайд Б.Батцэцэгийн хувьд “Монгол Улсад олон улсын стандарт хангасан студийн нээлт гэдгээс гадна дэлхийн бусад улс орнуудтай харилцах соёл болон бизнесийн харилцаанд таатай нөлөө үзүүлж, Монгол Улсын гадаад харилцааны өөр нэг чиг шугам нээгдэж байгаа” гэж үзжээ. Товчхондоо, олон улсын статустай бүтээн байгуулалт хийж, улсынхаа соёл, урлагийн салбарт томоохон хөрөнгө оруулалт хийж байгаа гэдэг утгаар нь ийн зочилжээ.