ҮХЦ-ийн тогтоолтой холбоотойгоор УИХ-ын гишүүд, холбогдох хүмүүс байр сууриа илэрхийлсээр байна.

Тухайлбал, УИХ-ын гишүүн С.Одонтуяа “ Үндсэн хуулийн цэцэд хэн ч итгэхээ больчлоо. Зөвхөн улс төрчдийн захиалгаар ажилладаг байгууллага болсон байна. Ийм байгууллагад захиалга өгч, шийдвэр гаргуулчихаад одоо бид ҮНДСЭН ХУУЛИЙН ЦЭЦИЙН АСУУДЛЫГ ХЭЛЭЛЦЭХГҮЙ ГЭЖ БАЙГАА НЬ ЗАРЧМЫН ХУВЬД БУРУУ ЮМ.  Өнгөрсөн хугацааны Монголын улс төр, Монголын сонгуулийг ҮХЦ л самарсан.

Жишээлбэл: 1992 онд ДАВХАР ДЭЭЛ БОЛНО

1996 онд АН ЯЛСАН ЧИНЬ ДАВХАР ДЭЭЛ БОЛОХГҮЙ

2000 онд МАН ЯЛХАД ДАВХАР ДЭЭЛ БОЛНО ГЭСЭН

2005 он, 2015 онд ҮХЦ нь Үндсэн хуулийн нэмэлт өөрчлөлтийг хянан хэлэлцэх эрхгүй гэж цагаан дээр хараар бичсэн. Гэтэл энэ хоёрыг хүчингүй болгочихлоо. Ямар том эрх дархтай байгууллага вэ? Энийгээ хууль тогтоогчидтой ярьсан юм уу? Тэгхээр би бол ҮХЦ гэдэг байгууллагад итгэхгүй. 2012 онд холимог гэж хэдэн зуун хууль, тогтоомж батлуулчихаад 2016 онд болгохгүй гэсэн.

Тиймээс бид ҮХЦ-ийн бүтэц, бүрэлдэхүүн, хууль дүрэм журмыг өөрчлөхгүйгээр, ҮХ-ийн нэмэлт өөрчлөлтийг хийх боломжгүй юм байна гэсэн дүгнэлтэд хүрч байна. ҮХЦ-ээ дотроо хянадаг тогтолцоог нь ҮХ-даа оруулж өгөх хэрэгтэй. Одоо бол Үндсэн хуулийн Цэцэд биш Үндсэн хуульдаа л итгэх л үлдлээ.

МАН-ын гишүүд Үндсэн хуулийн нэмэлт өөрчлөлтөөр бид зөвхөн давхар дээлээ шийднэ гэсэн яриа явж байна. Бид нар зөвхөн давхар дээлийн төлөө ҮХ-ийн нэмэлт өөрчлөлт хийнэ гэж яваагүй. УТ-ийн намуудыг энэ зааланд цуглуулж, сонгуулийн тогтолцоогоо чанартай, реформыг хийе л гэсэн.

Гэтэл нэг нам захиалга өгөнгүүт ҮХЦ чинь холмиог болохгүй юм байна гэж гаргаад ирвэл яах вэ?

ҮХЦ-ийнхээ учрыг эхлээд ол. Бид нар хуулийн гацааг гаргахгүй гэсэн юм байхгүй. АН-ын бүлэг ҮХЦ-ийн гаргасан шийдвэрийг хурдхан зөв замд нь оруулая, өөрчлөлтүүдийг хийе гэсэн болохоос ҮХ-ийн нэмэлт өөрчлөлтийг ганцхан давхар дээлээр хийнэ гэж байхгүй шүү. Энэ тал дээр бид ХАТУУ ЗОГСОХ БОЛНО” гэжээ.