Хөгжлийн банкны дэд захирал Ж.Эрхэмбаатар өөрийн хүсэлтээр ажлаа өгчээ. Тэрбээр энэ талаар өөрийн цахим хуудастаа "2022 оны тавдугаар сарын 29-ний өдрийн ТӨРИЙН ХЭМНЭЛТИЙН ТУХАЙ хуулийг хэрэгжүүлэн мөн хуулийн тавдугаар зүйлийн 5.1 дэх хэсгийн үндэслэн Монгол Улсын Хөгжлийн банкны үйл ажиллагаа хариуцсан дэд захирлын ажлыг өөрийн хүсэлтээр хүлээлгэн өглөө. Хамтран ажилласан хамт олондоо баярлалаа!" гэжээ.

5.1-д Засгийн газрын харьяа агентлаг, төрийн өмчийн газрууд дэд даргатай байхыг хориглосон юм.

Төрийн хэмнэлтийн хуулийн 5.1-д Засгийн газрын харьяа агентлаг, төрийн өмчийн газрууд дэд даргатай байхыг хориглосон юм. Тэгвэл уг хуулийн дагуу Ж.Эрхэмбаатар ажлаа хүлээлгэн өгсөн байна. 

Хөгжлийн банкны Төлөөлөн удирдах зөвлөл (ТУЗ) 2022 оны хоёрдугаар сарын 11-ний өдөр хуралдаж, Хөгжлийн банкны Гүйцэтгэх захирлын үүрэг гүйцэтгэгчээр хуульч Ж.Эрхэмбаатарыг, тус банкны дэд захирлаар Баян-Өлгий аймгийн МАН-ын дэд дарга З.Батырбекыг,  Хөгжлийн банкны ТУЗ-ийн даргаар Б.Сүх-Очирыг тус тус томилсон билээ. 

Шинээр томилогдсон дээрх удирдлагын баг ажлаа авснаасаа хойш зээлийн мэдээллийг нээлттэй болгосон ба одоогоор Хөгжлийн банкны 201 тэрбум төгрөгийн зээл эргэн төлөгдөөд байгаа юм.

Зээлийн ангиллаар авч үзвэл:

• Хэвийн зээлдэгчийн ангилал дахь зээлийн эргэн төлөлт 62,171,489,548 төгрөг,
• Анхаарал хандуулах ангиллын зээлийн эргэн төлөлт 67,212,854,809 төгрөг,
• Чанаргүй зээлийн ангиллын зээлийн эргэн төлөлт 38,749,386,189 төгрөг тус тус төлөгдөөд байгаа юм.