Дэлхийд алдартай сэндвичний амтыг мэдрэх нь дэлхийгээр аялахтай ижил юм. Хэрэв та хоолны амтыг илүүд үздэг, түүнээс таашаал авдаг мөн бургер, сэндвичэнд дурлагч нэгэн бол дараагийн аяллаа төлөвлөхдөө дараах улсаас сонголтоо хийгээрэй. Ингээд бид дэлхийн хамгийн шилдэг 10 сэндвич /өглөөний цай/ онцолж байна. 

1. Pambazo, Мексик

Мексикийн тухай ярихад хамгийн түрүүнд тортилла санаанд орж магадгүй юм. Гэхдээ тус улсын хамгийн алдартай гудамжны хоол, зуушны нэг бол Мексикийн галт уулын хэлбэрээс санаа авсан гудамжны сэндвич болох памбазо юм.

Энэ нь бага зэрэг халуун ногоотой, гуажило соусаар амталсан талх бүхий бургер юм. Мөн төмс, Мексикийн chorizo /чанаж болгосон тослог хиам/ шанцайны ургамал, бяслаг, цөцгийтэй.

2. Tramezzino, Итали

Tramezzino бургер бол Туринаас гаралтай юм. Харин өдгөө Венецийн үдийн цайны хамгийн алдартай зууш болоод байгаа. Энэ нь англи цайны хэв маягтай цагаан талхыг чидун жимс, туна загас, чанасан өндөг, шаржигнуурт байцаа болон бусад хүнсний ногоогоор хачирласан амтат бургер юм. Венецийн бүх ресторанууд үдийн цайны цагаар Tramezzino-оор үйлчилдэг. Хэрэв үүнийг сонгосон бол орон нутгийн амтат дарс ууж таашаал авахад гэмгүй.

3. Shawarma, Дундад тэнгисийн орнууд

Шавармагийн нэр нь "эргэх" гэсэн утгатай араб үгнээс гаралтай бөгөөд энэ нь Ойрхи Дорнодын алдартай сэндвичний төлөөлөл юм. Харин Газар дундын тэнгис, Европт шаурмаг Грект гиро, Туркээр дамжин Германд донер kebab гэж алдаршсан байдаг.

Энэхүү алдартай гудамжны хоол нь олон янз байдаг ч уг үндэс нь шарсан халуун ногоотой махыг (ихэвчлэн тахиа, хурга эсвэл үхрийн мах) хайруулын тавган дээр шарж, улаан лооль, сонгино, яншуй гэх мэтээр амтлан, хөвсгөр талханд хавчуулж өгдөг. Нэмэлтээр, тахианы соус, халуун сүмсээр амталбал бүр янзтай.

4. Bánh mì, Вьетнам

Францын колоничлолоос уламжилж үлдсэн хоол гэгддэг багеттай сэндвичийг Вьетнамчууд үндэснийхээ онцлог, амтанд нийцүүлж, хийдэг болсон. Bánh mì одоо Хо Ши Мин хот болон Вьетнамын бүх гудамжны өнцөг булан бүрд хүнсний тэргэнцэрээс худалдаалагдаж байгаа.

Сонгодог хувилбар нь гахайн маханд суурилсан chả lụa (вьетнам маягийн гахайн махан өнхрүүлэг) бөгөөд хэрчиж, даршилсан лууван, даршилсан дайкон, килантро навч, майонез зэрэг бусад орц найрлагатай. Мөн та дүфү болон нимгэн хэрчсэн нимбэгтэй, тахианы махтай гэхчлэн олон хувилбаруудыг эндээс олж болно. Амт нь шаржигнасан, шинэхэн байдаг тул туйлын амттай.

5. Muffaletta, АНУ, Нью-Орлеанс

XIX зууны сүүлч XX зууны эхэн үед Нью Орлеансийн Доод Францын хороололд суурьшсан Италийн цагаачид сицилийн дугуй, кунжутаар бүрсэн талхаар хийсэн энэхүү гайхалтай сэндвичийг зохион бүтээсэн түүхтэй. Муффалетта дотор жижиглэсэн чидун, Генуя салями, хиам болон янз бүрийн бяслагны (ихэвчлэн Швейцарь бяслаг) холилдож, шүүслэг, зөөлөн амт мэдрүүлдэг.

6. Pan bagnat, Франц

Хэрэв та Niçoise салатанд дуртай бол Францын өмнөд хэсэгт орших Ницца хотоос гаралтай сэндвичийг амтлаад үзээрэй. “Pain de” шампанск ашиглан хийдэг энэхүү сэндвич нь хэрчиж талласан талханд түүхий ногоо, анчоус, чидун жимс, чанасан өндөг, туна загас, оливын тос, давс, перец зэрэг баялаг орцтой. Үнэхээр амттай.

7. Smørrebrød, Дани

Скандинав даяар хайртай боловч Дани улсын үндэсний хоолны нэг гэдгээрээ алдартай энэхүү задгай сэндвич нь "тостой талх" гэж орчуулагддаг ч үнэндээ тийм биш юм.

Хөх тарианы талхыг ердийн суурь болгон хэрэглэж, шарсан эсвэл амталсан нугас, жижигхэн ягаан сам хорхойноос эхлээд чанаж хэрчсэн өндөг, цөцгийн тос дээр шарсан үхрийн мах гэхчлэн олон орцны хослолтой. Жинхэнэ Скандинов хэв маягийн хувьд smørrebrød нь харахад л арааны шүлс асгаруулам хийцтэй, идэхэд амттай байдаг.

8. Po'boy, АНУ, Нью-Орлеанс

Шинэ Орлеанаас гаралтай, хамгийн сонгодог шингэлт сайтай гэгддэг по'бойг (ядуу хүү гэх утгатай) 1929 оны ажил хаялтын үеэр хотын трамвайн жолооч нарыг тэжээхийн тулд зохион бүтээсэн гэлцдэг. Түүх нь бүрхэг хэвээр байгаа ч энэ сэндвичний амт нь “ядуу биш” билээ. Шарсан хясаа (шарсан сам хорхой эсвэл шарсан үхрийн мах) болон шанцайны ургамал, улаан лооль, даршилсан ногоо зэргийг овоолж, майонезаар дүүргэсэн франц талх гайхалтай амтыг танд мэдрүүлнэ. 

9. Katsu sando, Япон

Гүн шарсан гахайн махан котлет буюу панкогаар жигнэж, шокупан хэмээх Японы сэвсгэр цагаан сүүтэй талханд хийсэн гахайн махан котлет нь Япончуудын дуртай, сүлжээ дэлгүүрүүдийн гол зууш юм. Ёшоку хоол (барууны нөлөөнд автсан) гэж тооцогддог кацу сандо нь ихэвчлэн түүхий байцаагаар чимэглэгддэг бөгөөд тахиа, өндөгний салат (тамаго)зэрэг хувилбартай байдаг.

10. Lobster roll, Англи, АНУ

Англичууд өөрсдийн бүтээсэн даруухан хийцтэй, хавчны энэхүү амттанг ихэд эрхэмлэдэг. Ихэвчлэн нимбэгний шүүс, майонез, бусад ургамлаар амталж, халуун амтат төмсийг жигнэж болгож, хавчны том том мах овоолсон байдаг. Жинхэнэ далайн эргийн зун цагийн амттан.

Та үүнийг АНУ-ын далайн хоолны ресторануудаас төвөггүйхэн олох боломжтой.