Шилэн дансны хууль хэрэгжээд багагүй хугацаа өнгөрчээ. Энэ хууль 2015 онд батлагдсанаар  татвар төлөгч, баялаг, бүтээгчдийн мөнгөөр тансаглаж буй төрийн байгууллагын удирдлага, төсөв захиран зарцуулагчдын хулгай, луйврыг ил болж эхэлсэн. Өөрөөр хэлбэл, төсвийн мөнгийг хэрхэн үрэн таран хийж, сайд, дарга нар тансаглаж буйг ил тод болгож байгаа ганц хууль нь Шилэн дансны хууль юм.  Монгол Улсын дөрөв дэх Ерөнхийлөгч Ц.Элбэгдорж уг хуулийг санаачлан батлуулсан. Харамсалтай нь, үүнийг одоогийн Ерөнхийлөгч У.Хүрэлсүх дэмждэггүй бололтой.

Өнгөрөгч дөрөвдүгээр сард хэдэн мөр мэдээлэл л оруулсан байна.

Шилэн дансы мэдээллийг шүүхэд, Монгол Улсын Ерөнхийлөгчийн тамгын газрын шилэн дансны мэдээлэл байхгүй, бараг хөтлөлт хийгээгүй байна. Бараг гэсэн нь, он гарснаас хойш хөтлөлт хийхгүй явсаар өнгөрөгч дөрөвдүгээр сард хэдэн мөр мэдээлэл л оруулсан байгаа юм.

Check.mn “Шилэн төсөв” булангаараа өчигдөр Ус сувгийн Удидрах газрын шилэн дансны мэдээллээс онцолсон бол өнөөдөр Ерөнхийлөгчийн тамгын газрын мэдээллийг хүргэж байна.

Дээрх мэдээллээс харахад, Ерөнхийлөгчийн тамгын газарт Сангийн яамнаас орж ирэх орлого сард хагас тэрбум бол гарсан зарлага нь тээврийн үйлчилгээнд 10 орчим сая төгрөг байгаа юм. 

Уг нь он гарснаас Ерөнхийлөгчийн Тамгын газрын дарга Я.Содбаатар Шведийн Хаант Улс, БНСУ-руу айлчлал хийсэн. Эдгээр айлчлалд төсвийн мөнгө зарцуулаагүй мэт тайлангаа оруулаагүй байгааг та шилэн дансны мэдээллээс харж болно. 

Ерөнхийлөгч, Ерөнхийлөгчийн тамгын газар, Засгийн газрын хэрэг эрхлэх газар шилэн байж, төсвөө хэмнэж буйгаа өөрсдөөрөө үлгэрлэн харуулах ёстой.

Эндээс үзвэл, Ерөнхийлөгч У.Хүрэлсүх, Ерөнхийлөгчийн Тамгын газрын дарга Я.Содбаатар нар олон нийтэд төсвөө нээлттэй тайлагнахыг хүсдэггүй, аль эсхүл тайлагнах шаардлагагүй гэж үздэг бололтой. Мөн чанартаа Монгол Улсын нутаг дэвсгэрт хэрэгжиж буй хууль, тогтоомжийг хүн бүр ижил тэгш мөрдөх ёстой. Тэр дундаа улс орны эдийн засгийн нөхцөл байдал хүнд, бүсээ чангалж, хэмнэлтийг горимд шилжсэн энэ үед Ерөнхийлөгч, Ерөнхийлөгчийн тамгын газар, Засгийн газрын хэрэг эрхлэх газар шилэн байж, төсвөө хэмнэж буйгаа өөрсдөөрөө үлгэрлэн харуулах ёстой.

Иймд эрхэм Ерөнхийлөгч У.Хүрэлсүх, Ерөнхийлөгчийн тамгын газрын дарга Я.Содбаатар нар хуулиа даган мөрдөж, хэмнэлттэй байгаагаа ил тод харуулахыг уриалж байна.

Мөн Ерөнхийлөгчийн тамгын газрын алба ёсны веб сайтдаа хүртэл "ШИЛЭН ДАНС" буланг олон нийтэд нээлттэй орхисон хэрнээ хөтлөлтөө гүйцэд хийж явахгүй байгаа нь анхаарал татаж байна. Өөрөөр хэлбэл, нүд хуурсан, хэлбэрдсэн энэ байдлаа өөрсдөөсөө эхэлж өөрчлөх хэрэгтэй.  Мөн хууль бүх хүнд эрх тэгш үйлчлэх ёстой. Өөрсдөө хуулиа ягштал дагаж мөрчихөөд, хуулийн хэрэгжилт хангалттай, хангалтгүйг дүгнэдэг болъё.