Хятадын арми Тайванийн хотуудын дээгүүр пуужин харваж магадгүй гэж шинжээчид таамаглаж байна. Энэ тухай Тайванийн цэргийн шинжээч Лу Ли-ши (呂禮詩) Хятад улсын Ардын чөлөөлөх армийн (ХАЧА) сургуулилт хийхээр тогтоосон зургаан бүсийн нэг цэгээс Тайбэй, Тайчун, Каошюн хотыг чиглэн пуужин харваж магадгүй гэж таамаглаж байгаа талаар "Taiwan news" сонин мэдээлжээ.

22:59 цагт буюу Мягмар гарагт (2022.08.02) Нэнси Пелосиг Тайваньд газардсанаас ердөө 15 минутын дараа Хятадын төрийн мэдлийн "Global Times" сонин Ардын чөлөөлөх армиас "Цэргийн чухал сургуулилт, сургалтын үйл ажиллагаа явуулж, гал нээх болно" гэж мэдэгдсэн. Энэ дагуу өнөөдрөөс ирэх ням гараг хүртэл /2022.08.04-08.07-ны хооронд/ Тайваньтай ойролцоо зургаан бүсэд сургуулилт хийж эхлээд буй.

ХАЧА -ийн байлдааны сургуулилт хийх бүсэд Тайваний эрэг орчмын баруун хойд, хойд, зүүн хойд, зүүн, баруун өмнөд, зүүн өмнөд зэрэг асар өргөн уудам газар нутаг багтаад байгаа юм. Ялангуяа усанд маш ойрхон бүсүүд багтсан.

Үүнтэй холбогдуулан Тайванийн цэргийн шинжээч Лу "Хятадын Жянши мужийн Лэпин болон Ганжөү дэх ХАЧА-ын баазууд нь Тайванийн Хуален арлын зүүн эргээс холгүй оршиж байгаа бөгөөд 4-р зорилтот бүсээс тус тус 850,865 километрийн зайд байна. Эдгээр пуужин хөөргөх цэгүүд нь "Дон-Фэн 15" богино тусгалтай баллистик пуужингийн 1000 км-ийн тусгалд багтаж байна. Хэрвээ зорилтот цэгээс 1450 километрийн зайд орших Хайнань мужийн Данжоу дахь баазыг ашиглаж байгаа бол 1500 километрийн тусгалтай тул "Дон-Фэн 16" богино тусгалтай баллистик пуужинг ашиглах ёстой. ХАЧА "ДС-17" (дунд тусгалын баллистик пуужин) ашиглан Лешанийн (радарын станц) холын тусгалын эрт анхааруулах радарын замналыг тандах боломжтой болгоно" гэж таамаглажээ.

Тэрээр мөн "Хятадаас 500 км-ийн зайд байгаа галын бүсүүдийн хувьд өөрөө явагч олон төрлийн пуужин харвагч (MRL) төрлийн "PCL191"-ийг ашиглах магадлалтай байна.

4-р сургуулилтын талбай болох Лепингээс хөөргөсөн пуужин Тайпэй дээгүүр, Ганжөүгээс хөөргөсөн пуужин Тайчунг, Данжоугаас хөөргөсөн пуужингуудыг Каошюн хотын дээгүүр нисэх боломжтой

байхаар төлөвлөжээ. Энэ удаагийн пуужингийн туршилтын зорилго нь Тайванийн ард иргэдийн сэтгэл зүйд нөлөөлөх зорилготой бөгөөд пуужингийн агаарын дайралтаас сэрэмжлүүлэх мессежийг илгээж байна" хэмээгээд Тайванчуудыг сэтгэл зүйн хувьд хямрахгүй, тайван байхыг уриалсан байна.

Lu's predicted trajectories of Chinese missiles to reach Zone No. 4. (Facebook, Lu Li-shi image)

Харин Хятадын армийн энэхүү галын сургуулилтыг Тайванийн батлан хамгаалахын буруутгаж буйгаа мэдэгдэж, Тайванийг тэнгисийн болон агаарын бүслэлттэй адилтгаж байна гэжээ. 

Тэрээр Хятад улс энэ долоо хоногт тус улсын зургаан бүсэд урьд өмнө хэзээ ч байгаагүй шууд галын сургуулилт хийж, Тайванийг бүслэхийг оролдож байна гэж буруутгав. Вьетнамын сэтгүүлч Дуан Дунгийн тэмдэглэсэн газрын зургаас харахад хойд бүс нь Тайванийн хойд эргээс 12 далайн милийн зайд, зүүн хойд хэсэг нь Тайванийн зүүн хойд хэсгээс 10 далайн милийн зайд, өмнөд хэсэг нь ердөө 9 далайн милийн зайд оршдог.

Тайванийн өмнөд хэсгээс миль зайд байгаа нь 1995-1996 оны Тайваний хоолойн гурав дахь хямралын үеэр хийсэн галын сургуулилтаас хамаагүй ойр байгаа юм.

Лхагва гарагт болсон онлайн хэвлэлийн хурлын үеэр Тайванийн Батлан хамгаалах яамны хэвлэлийн төлөөлөгч Сун Ли-Фан (孫立方) ХАЧА-ын сургуулилт хийх бүсийн зарим хэсэг нь Тайванийн усан хилд нэвтэрч, олон улсын усан замд аюул учруулж байгааг онцолжээ.

Тиймээс Тайванийн Батлан хамгаалах яамны удирдлагууд үндэсний бүрэн эрхт байдал, газар нутгаа тууштай хамгаалж, үүнийг зөрчсөн аливаа үйлдлийг эрс эсэргүүцэхээ мэдэгдээд байна.

Мөн тэд "Хамтарсан тагнуул, тандалт, тагнуулын аргуудыг ашиглан зэвсэгт хүчин далай, агаар дахь хөдөлгөөнийг бүрэн хяналтдаа байлгана. Цэрэг армиа "Дайнд бэлтгэ. Гэхдээ дайныг бүү эрэлхийл" гэсэн зарчмыг баримталж, Тайваний хоолойд өрнөж буй үйл явдлыг анхааралтай ажиглаж байна. Хятад улсын хүч хэрэглэж, бүс нутгийн энх тайван, тогтвортой байдлыг алдагдуулах гэсэн ноёрхогч сэтгэлгээ нь олон улсад нэр хүндээ алдахад хүргэж, хоёр эргийн ард түмний сэтгэл санааг хохироосон үйлдэл" гэжээ.

Түүнчлэн энэ удаагийн сургуулилт нь Тайванийн нутаг дэвсгэр, усан хилийг хамарсан бөгөөд тусгаар тогтнолд ноцтойгоор халдаж, НҮБ-ын тэнгисийн конвенц болон олон улсын бусад хуулийг зөрчиж буйг эрс буруушааж байгаагаа ч мэдэгдээд байна. 

Эх сурвалж: Taiwannews.com