Хятад улс наймдугаар сарын 4-7-ны хооронд Тайванийг тойрсон зургаан бүсэд нислэгийн хориотой бүс/навигацийн бүсийг мөрдүүлэхээ зарлалаа. Энэ тус бүсүүдэд шууд галын сургуулилт хийх бөгөөд өөр бусад онгоц нэвтрэхийг хориглолоо. 

Ненси Пелосиг Тайваньд газардсаны дараа /2022.08.02, 22:44 цагт/ 22:59 цагт Хятадын төрийн мэдлийн "Global Times" сонин Ардын чөлөөлөх армиас мэдэгдэл нийтэлж, наймдугаар сараас эхлэн Тайванийн эргэн тойронд байгаа зургаан бүсэд "цэргийн чухал сургуулилт, галын сургуулилтыг оролцуулан сургалтын үйл ажиллагаа" зохион байгуулна гэж мэдэгджээ.  

Ингэхдээ газрын зурагт Тайванийн баруун хойд, хойд, зүүн хойд, зүүн, зүүн өмнөд, зүүн өмнөд хэсэг зэрэг Тайванийн эрэг орчмын их устай хэсгийг тэмдэглэсэн байна. Тус сургуулилттай холбогдуулан Хятадын арми аюулгүй байдлын үүднээс зөвшөөрөлгүй хөлөг онгоц, нисэх онгоцыг заасан хугацаанд эдгээр бүсэд нэвтрэхийг хориглосон тухайгаа мэдэгджээ.

1995-1996 оны Тайванийн хоолойн гурав дахь хямралын үеэр гал гарсан бүсүүдтэй харьцуулахад энэ удаад заасан бүсүүд Тайваньд илүү ойр байна.

Үүний хариуд Тайванийн Үндэсний Батлан ​​хамгаалах яам (MND) энэ сургуулилтыг "Манай чухал боомт, хот суурин газруудад заналхийлж, бүс нутаг, тогтвортой байдлыг нэг талт байдлаар алдагдуулах" гэсэн оролдлого гэж харамсаж байна.  Энэ үйл ажиллагаа нь Хятадын олон улсын нэр хүндийг гутаана гэж тус яам мэдэгдээд, сургуулилтыг буруушааж байгаагаа илэрхийллээ.

Мөн Хятадын Коммунист намын "цэргээр айлган сүрдүүлэх" үйлдэл нь Тайваньчуудын оюун санаанд айдас төрүүлэх зорилготой гэдгийг онцолжээ. Тус яам Тайванийн хоолойн хуурай газар болон далай дахь динамик байдлыг бүрэн дүүрэн хяналтдаа авахын тулд хамтарсан тагнуул, тагнуулын тандалт ажиллагааг ашиглаж байна гэж мэдэгдээд, үндэсний аюулгүй байдлыг хангахын тулд шийдэмгий шийдвэр гаргахдаа итгэлтэй байгаагаа мэдэгдлээ. 

8-р сарын 4-7-ны хооронд Хятадын цэргийн сургуулилт хийх бүсүүдийг харуулсан газрын зураг.  (PLA зураг)

1995-1996 оны Тайваний хоолойн гурав дахь хямралын үеэр гал гарсан бүсүүдийг харуулсан газрын зураг.  (Австралийн үндэсний их сургуулийн зураг)

Эх сурвалж: taiwannews.com