Тайванийн агаарын довтолгооноос хамгаалах хамгаалалтын бүсэд (ADIZ) Хятадын цэргийн дөрвөн онгоц нэвтэрчээ.

БНХАУ-ын Ардын чөлөөлөх армийн Агаарын цэргийн хүчний (PLAAF) дөрвөн Shenyang J-16 сөнөөгч онгоц Тайваний ADIZ-ийн баруун өмнөд булан руу нэвтэрсэн гэж Үндэсний Батлан ​​хамгаалах яам (MND)-наас нь мэдээлжээ. Үүний хариуд Тайвань нисэх онгоц илгээж, радиогоор сэрэмжлүүлэг өгч, PLAAF тийрэлтэт онгоцуудыг хянахын тулд агаарын довтолгооноос хамгаалах пуужингийн системийг байрлуулаад байна.

ADIZ гэдэг нь Агаарын батлан хамгаалах тодорхой бүс юм. Энэ орон зайд нэвтэрсэн онгоц, нислэгийн удирдагчдыг таньж, агаарын довтолгооноос хамгаалдаг бүс нутаг юм. 

Өнгөрсөн сард Хятад улс Тайванийн ADIZ-ийн бүс рүү 28 сөнөөгч онгоц, найман бөмбөгдөгч онгоц, нэг бөмбөгдөгч, хоёр нисдэг тэрэг, 31 споттер онгоц зэрэг 70 цэргийн нисэх онгоц илгээжээ.

2020 оны есдүгээр сараас хойш Хятад улс Тайванийн тус бүс рүү онгоц илгээх замаар саарал бүсийн тактикаа нэмэгдүүлсэн бөгөөд ихэнхдээ баруун өмнөд хэсгийг чиглэсэн байна. Тайванийн Батлах хамгаалах яамны мэдээлснээр 2021 онд Хятадын цэргийн нисэх онгоцууд 239 хоногийн хугацаанд 961 удаа нэвтэрсэн байна.

Саарал бүсийн тактик гэдэг нь "Саад тотгорыг давах оролдлого эсвэл цуврал оролдлогууд нь шууд бөгөөд их хүч хэрэглэхгүйгээр аюулгүй байдлын замаар зорилгодоо хүрэх оролдлого" гэж тодорхойлогддог.

Мөн цаашдын үр дагаварыг үл хэрэгсэн өөрсдийн ашиг сонирхолыг илэрхийлсэн дохио үзүүлэхийг саарал бүсийн тактик гэдэг. 

Flight paths of Chinese jets on Aug. 1. (MND image)

Эх сурвалж: taiwannews.com