Гол усны ослоос урьдчилан сэргийлэхийг анхааруулж байна.

Тодруулбал, Дорнод аймаг, Хэрлэн сумын нутагт нэгэн иргэн согтууруулах ундаа хэрэглэсэн үедээ  Хэрлэн голын усанд сэлэхээр ороод живсэн тухай дуудлагыг Лхагва гарагийн 16:33 цагт Онцгой байдлын газарт бүртгэгджээ.

Дуудлагаар тус аймгийн Онцгой байдлын газрын Эрэн хайх, аврах ангийн алба хаагчид өчигдрийн 05:00-20:40 цагт хүртэлх хугацаанд голд живсэн 45 настай, эрэгтэйг эрэн хайх ажиллагааг анх осолдсон газраас 40 км хүртэл голын усаар завиар урсаж хоёр удаагийн давтамжтай зохион байгуулсан бөгөөд өнөөдөр 05:00 цагт эрлийн ажиллагааг дахин эхлүүлсэн гэж Онцгой байдлын ерөнхий газраас мэдээллээ.

Иймд иргэд амралт, аялал зугаалгын улирал эхэлсэнтэй холбогдуулан иргэд амралт, чөлөөт цагаа өнгөрүүлэхдээ:

• Гол, усны ойролцоо амарч зугаалахгүй байх,
• Бага насны хүүхдэд тавих хараа, хяналтаа сайжруулах,
• Голын эрэг дагуу хүүхдийг явуулахгүй, тоглуулахгүй байх,
• Аян замд явахдаа сайн мэдэхгүй гол мөрний усанд орохгүй байх,
• Түргэн урсгалтай гүнзгий голын усанд сэлэхээс зайлсхийх,
• Булчин шөрмөс татах үед усанд орохоос татгалзах, 
• Архи согтууруулах ундаа хэрэглэсэн үедээ голын усанд орохоос зайлсхийх хэрэгтэйг зөвлөж байна. 
• Тээврийн хэрэгслийн жолооч нар баталгаатай зам, гүүрээр зорчиж гол усанд унах, осолдох эрсдэлээс урьдчилан сэргийлэхийг зөвлөж байна.