Одоогоос зургаан жилийн өмнө буюу 2018 оны 12 дугаар сард өнөөгийн Ерөнхий сайд Л.Оюун-Эрдэнэ, хотын дарга Х.Нямбаатар, УИХ-ын гишүүн асан Г.Занданшатар, Л.Болд, Т.Аюурсайхан нараар удирдуулсан "МАНАН бүлэглэлийн эсрэг Монголчуудын нэгдэл" гэх жагсаал Сүхбаатарын талбайд болж байв. Тухайн үед жагсаалыг удирдаж байсан эрх мэдэлтнүүд өөрсдийгөө "Шударга-5" хэмээн нэрийдэж Ерөнхий сайд Л.Оюун-Эрдэнэ "албан тушаал, эрх мэдэлд шунаагүй тул ямар ч албан тушаалд томилогдохгүй" гэх агуулгаар мэдээлэл хийж байлаа. 

Гэвч тэрээр Ерөнхий сайд болсноор зургаан жилийн нүүрийг үзэж байна. Мөн 2022 оны өвөл "Ажлаа хий" жагсаал мөн л төв талбайд болж, жагсагчдын шаардлагын дагуу ажлаа сайн хийж, сайхан Монгол Улсыг бий болгохоор амалсан. Харамсалтай нь тэдний амлалт үл биелж, татвар, үнийн хөөрөгдөл, агаарын бохирдол, шударга бус байдалд цөхөрсөн иргэд ийнхүү дахин Сүхбаатарын талбайд жагсахад хүрчээ. 

Жагсагчид Ерөнхий сайд Л.Оюун-Эрдэнийн хамт хотын дарга Х.Нямбааатарыг огцорхыг шаардаж уриа лоозон барин өөрсдийн үзэл бодлыг илэрхийлж байгаа юм. Сүхбаатарын талбайд болж буй жагсаалын үеэр Ерөнхий сайд, ЗГ-ыг огцорхыг шаардсан шаардлагад гарын үсэг зурж, холбогдох албан тушаалтанд хүргүүлж байна. Тус жагсаал Сүхбаатарын талбай болон эргэн тойрон дахь автозамуудыг хамарч байсан бол хэсэг жагсагчид Их тэнгэрийн ам руу явснаар Сүхбаатарын талбай, Их тэнгэнрийн ам гэсэн хоёр байрлалд үргэлжилж байна.

БИЧЛЭГ ҮЗЭХ: