“Авто тээврийн үндэсний төв” ТӨҮГ-ын албан тушаалтнуудтай холбоотой авлигалын хэргийн дуулиан тасрахгүй нь бололтой. Өмнөх удирдлага, албан тушаалтнууд нь холбогдсон хэрэгт дараа дараагийн албан тушаалтнууд нь давтаж үйлддэг байдал нь нэг бол үнэхээр шуналаа барьж дийлдэггүй хүмүүс АТҮТ-д ажилладаг, үгүй бол АТГ шалгалтаа олигтой хийлгүй, оронцоглоод өнгөрөөгөөд байна уу гэх хардлагыг төрүүлж байна.
Учир нь “Авто тээврийн үндэсний төв” ТӨҮГ”-ын Хөдөлгөөний удирдлагын хэлтсийн дарга К.Айдас нь авлигалын хэрэгт холбогдон өдгөө АТГ-т шалгагдаж байгаа.
Түүнийг Авлигалын эсрэг хуулийн 7.1.3.албан үүргээ гүйцэтгэхдээ хууль бусаар аливаа хувь хүн, хуулийн этгээдэд давуу байдал олгох, олгохоор амлах, бусдын эрхийг хязгаарлах
7.1.6.албаны эрх мэдэл буюу албан тушаалын байдлаа урвуулах, хэтрүүлэх гэсэн үндэслэлээр шалгаж байгаатай холбогдуулан үүрэгт ажлаас нь гурван сарын хугацаанд түдгэлзүүлэх, Монгол Улсын хилээр гарахыг хориглол хязгаарлалтуудыг тогтоожээ.
Тодруулбал, Сүхбаатар дүүргийн Эрүүгийн хэргийн анхан шатны шүүхийн 2022.02.23-ны өдрийн 2022/ЦХШ3/117 тоот Хягзгаарлалт тогтоож, албан үүргээ биелүүлэхийг түдгэлзүүлэх таслан сэргийлэх рга хэмжээ авах тухай шүүгчийн захирамжаар яллагдагч К.Айдост дээрх хязгаарлуултыг тогтоожээ.
Ийнхүү К.Айдосыг ажлаас нь түдгэлзүүлэх гурван сарын хугацаа 2022.05.23-ны өдөр дуусах юм. Ажилд нь буцаан томилох эсвэл үргэжлүүлэн түдгэлзүүлэх эсэх нь тухайн үед хэргийг шалгаж байгаа үйл ажиллагаанаас хамаарч дахин шүүхээр хэлэлцүүлэгдэнэ.
К.Айдос нь 2017 онд мөн л АТГ-т шалгагдаж байсан юм.