УИХ-ын гишүүн Ж.Алдаржавхлан 1000 гаруй ААН-ийн эрхийг зөрчин ”боомилж”, улсын төсөвт 50 гаруй тэрбум төгрөгийн хохирол учруулаад ГИШҮҮН болжээ.

Бүтэн найман жил Хан-Уул дүүргийн засаг даргаар ажилласан, одоогийн УИХ-ын гишүүн Ж.Алдаржавхлангийн бусдыг “хохироодог” бусармаг үйлдэлд иргэн, ААН-үүд эгдүүцэж нэгдэж байна. 

Байгаль орчин, аялал жуулчлалын сайдын тушаалаар 2015-2018 онд 1049 иргэн, хуулийн этгээдэд Богдхан уулын дархан цаазат газарт газар ашиглуулах, улмаар газрын төлбөр болох 50 гаруй тэрбум төгрөгийг улсын төсөвт төвлөрүүлэхээр шийдвэрлэсэн байтал Ж.Алдаржавхлан ХУД-ийн Засаг даргаар ажиллаж байхдаа шийдвэрийг “шүүгээндээ хав дарж” иргэн, ААН-ийг “боомилсон”-ыг Үндэсний Аудитын газрын дүгнэлт нотолж байна.  

Өөрөөр хэлбэл Ж.Алдаржавхлан гурвалсан гэрээг байгуулж гарын үсэг зурах атал “хясан боогдуулах” замаар гарын үсэг зураагүйгээс олон зуун компани тог цахилгаан, барилга барих зөвшөөрөл авч чадахгүй, газраа ашиглаж чадахгүй хугацаа нь дуусаж хохирсон байх аж. Хамгийн ноцтой нь зарим иргэн, ААН-үүд “дарагдсан” бичигт гарын үсэг зуруулаад, газар ашиглах эрхээ авчихсан байгаа нь “АВЛИГА” өгөх замаар шийдвэрлүүлэв үү? гэх хардлыг төрүүлж байна. 

Гурвалсан гэрээнд гарын үсэг зурах үүрэгтэй Ж.Алдаржавхлан юунд иргэн, ААН-ийг хясан боогдуулав! Магадгүй Хүнд суртал гаргаж, ажлыг удаашруулж, шийдвэрлүүлэхгүйгээр “Шүүгээндээ хав дарж” суух нь “МӨНГӨ” босгодог арга хэлбэр ч байж мэдэх юм. 

Түүнчлэн Аудитын дүгнэлтээр Богдхан уулын дархан цаазат газарт газар ашиглагч 79 иргэн, хуулийн этгээдтэй байгуулсан гэрээг дүгнээгүй, холбогдох хяналтыг хэрэгжүүлээгүй, улмаар газрын төлбөрийн 522 сая \522,100.00\ төгрөгийг улс, орон нутгийн төсөвт төлүүлээгүй үлдэгдэлтэй, Улсын тусгай хамгаалалттай газар нутагт газар ашиглуулах хугацааг сунгахдаа гурван талт гэрээнд оролцогч талууд гэрээг дүгнээгүйгээс 5 иргэн, хуулийн этгээд улс, орон нутгийн төсөвт газрын төлбөр төлүүлээгүй зэрэг зөрчил гарсан нь Ж.Алдаржавхлан ажлаа дутуу хийдэг, зөрчил гаргадаг “хэр” хэмжээний засаг дарга байв гэдгийг нотлох аж.
 
Ж.Алдаржавхлан 1000 гаруй иргэн, хуулийн этгээдийн эрх ашгийг зөрчиж, эрх мэдэл, албан тушаалаа ашиглаж “ашиг хонжоо” хайсан гэлтэй үйлдэл гаргасан гэж хохирогч иргэн, ААН-үүд хэлж байна. 

Улмаар тухайн үед хохирсон иргэн, хуулийн этгээд “Тусгай хамгаалалттай газарт газар ашиглагч, иргэн хуулийн этгээдүүдийн холбоо”  байгуулж зөрчигдсөн эрхээ сэргээлгэх, албан тушаалтны ашиг сонирхлын зөрчлийг шалгуулахаар нэгджээ.

Хохирсон иргэдийг 91758915 утсаар нэгдэхийг хүсье.