“Алт-3” хөтөлбөрийг яаравчлуулах шаардлагатай буйг эдийн засагчид хэлж буй. Тэрч утгаараа “Алт-3” хөтөлбөрийг хэрэгжүүлэхээр бужигнаж байна. Угтаа “Алт” хөтөлбөрийг анх 1991 онд санаачлаад, 1992-2010 он хүртэл хоёр үе шаттайгаар хэрэгжүүлсэн байдаг. Тухайн үед алтны олборлолт бага хэрнээ шороон ордын нөөц сайн байсан. Тиймдээ ч 2010 он хүртэл хэрэгжүүлээд, 2016 оноос дахиад “Алт-2000” гэж хэрэгжсэн.

Харамсалтай нь “Урт нэрт” хууль гаргаад, алтны шороо ордны олборлолтын ихэнхийг нь зогсоогоод, хайгуулын ажил хумигдан алтны нөөцийн асуудал хүндрэлтэй болсон. Шороон орд нь улам гүн рүүгээ болоод, олборлоход төвөгтэй болсон. Гэхдээ алтны үнэ өндөр учраас хөтөлбөрийг хэрэгжүүлэх нь зөв гэж үзэгсэд олон байх шиг.

Гэвч “Алт-3” хөтөлбөр саадтай тулгарах нь гарцааүй болчихлоо. Тодруулбал, бэлтгэгдсэн нөөц хэр вэ, үйлдвэрлэлийг нь дэмжвэл ямар хэмжээний алтны олборлолтыг нэмэгдүүлэх нөөц байгаа вэ гэдэг асуудал тодорхойгүй. Хоёрдугаарт, орон нутгийн харилцаа. Орон нутагт уул уурхай гэхээр л иргэд нь эсэргүүцдэг. Засгийн газар яаж шийдэх бол гэх хүлээлт байна. Угтаа алт бол Монголын баялаг. Аймаг сумдын баялаг биш. Хуулиар олгогдсон зүйлийг эсэргүүцнэ гэдэг төрийнхөө бодлогын эсрэг явж байна гэсэн үг.