Гэмийг нь ухвал гэлбэлзээд чирэх чүргүүл олонтой "Улаанбаатар групп" ХХК-ийн ТУЗ-ийн дарга, шарк Ц.Батбаатарын талаарх мэдээллийг манай редакц цувралаар бэлтгэн хүргэж байгаа. 

Өмнөх мэдээллийг ЭНД ДАРЖ уншина уу. 

Учир нь түүнд гомдогсдыг буюу хохироосон хохирогчдын цуваа нилээн урт. Өнгө мөнгөнд нүдээ ухаад өгөхөөс буцахгүй Ц.Батбаатар цаг нь тулсан газар мах цусны тасархайгаа ч арилжаа болгож чаддаг хүйтэн сэтгэлтэн. Ийм хүнд өрөөл бусдыг ар, урдаас нь хутгалах бол тийм ч хэцүү санагддаггүй биз ээ. 

Түүнтэй холбоотой хэд хэдэн баримтыг дурдахад:

1. "Сөүл гарден" цогцолбор хотхоны төсөл. Хан-Уул дүүргийн 16-р хороонд сүндэрлэж буй 6 блок бүхий тус хотхоны баригдсан газар, боссон замаас нь эхлээд яривал эхнээсээ мордохын хазгайгаар явчихсан барилга бий. Сүхбаатарын талбайн урд талын зогсоолд барилга барина хэмээн газрыг авч чадаж байсан тендерийн мафийнханд "Сөүл гарден" хотхоныг барих газрыг луйвардахад амархан байсан биз. 

2. Дорнод аймгийн түүхий нефтийг гадагш нь зөөдөг монополь.

3. Тэмээний хөшөөний зүүн талд барилга барьж эхэлсэн. Хөрсний ус нь халгиж цалигисан газар "заавал барилга барина" хэмээн улайрч буй үйлдэл нь Улаанбаатарчуудын амь нас, аюулгүй байдал, цаашлаад тус барилгаас худалдан авах иргэдийг эд хөрөнгөөр хохироох үйлдэл гэдгийг хэвлэлүүд хэдийнэ сануулсан.

4. АТҮТ-ийн дарга Б.Соронзонболдтой хамтран “ТӨГС ТӨГӨЛДӨР ХАНГАЙ” ХХК үүсгэн байгуулж нүүрс тээврийн үйл ажиллагаа явуулдаг байсан нь нүүрсний сонсголоор ил болсон ч ард нь түүнээс том эзэн байсан тул тэгэсгээд намжсан.

5. Туслан гүйцэтгэгч компаниудаа толгой дараалж хулхидсаар энэ салбарт түүнийг хулхи Батбаатар хэмээн цоллож, цэрвэх болжээ.

Энэ мэт түүний талаарх баримтын жагсаалтаар Сэдвийн мөрөөр сурвалжилга цуврал мэдээллийг бэлтгэн хүргэх болно.