С.БАЯРЦОГТ /Сангийн сайд асан/

Оюутолгойн хяналтын түр хорооны хяналтын сонсгол маргааш үргэлжилнэ. Сонсголын үеэр С.Баярцогт ийн хэллээ. 

"Би энд маш олон зүйлийг ярж чадахгүй байгаа. Яагаад гэвэл үндэсний аюулгүй байдалтай холбоотой асуудал байгаад байна. Гэхдээ үр өгөөжийн асуудлыг ярилцах үед би санаж бодож байгаа юмаа хэлнэ. Нөгөөтэйгүүр та нар хаалттай хурал хийх ёстой. Тэр тохиолдолд би та нарт ямар ямар хүндрэл гарч, хаанаас ямар шахалт дарамт ирж, үнэхээр үүлэн чөлөөний нар шиг юман дундуур гэрээг хийснээ ярина.  Өмнөх хоёр гэрээ нь яагаад унасан бэ гэдгийг бид ярих ёстой шүү. 2007 оны гэрээ, 2008 оны хоёрдугаар сард өргөн барьсан гэрээ яагаад унаж, бид цаг алдаад байсан юм бэ. Цаг алдах тусам яагаад зардал нь нэмэгдээд байдаг юм бэ. Энэ бүгдийг ярих ёстой. Эс үйлдэл, үйлдэл хоёр чинь хоёулаа үр дагавартай.

Монгол Улс өртэй гэж яриад байна. Би энэ хөрөнгө оруулалтын гэрээн дотор заачихсан байгаа. Манайд өр байсан. Тэрийг 2019 онд Л.Оюун-Эрдэнийн Засгийн газар хэлэлцэж байгаад  өргүй болгочихсон. Монгол Улс юм уу, Эрдэнэс Оюутолгой, Засгийн газар ч өргүй. Одоо энэ санхүүжилт хийж байгаа асуудлыг 100 хувь Оюутолгой ХХК өөрөө хариуцна.

 Гэрээний 17-гийн наймд байгаа 80 хувийн заалт чинь зөвхөн ашиг хуваасан зүйл дээр л байгаа. Тэндээс манайх 34 хувиа авчих юм бол ямар ч асуудал байхгүй. Энийг одоогийн УИХ, Засгийн газар хийх ёстой. Ер нь энэ гэрээг 2009 онд байгуулсан, 2011 онд нэмэлтээр сайжруулсан, 2015 онд Дубайн гэрээгээр муужруулсан, 2019 онд сайжруулсан. Манай засгийн газруудын алдаа нь өөрсдөө ажлаа хариуцахгүй урдах руугаа чихээд байдаг. Угтаа үе үеийн Засгийн газар хийгээд л явах ёстой.  2025 оны Түр хорооны үр дүнгээр сайжруулах байх гэж найдаж байна. Монголчууд нэг тал болж ажиллах хэрэгтэй. Тэгэхгүй өөр дотроосоо буруутан хайгаад хүний идэш болоод яваад байдаг.