22  жил гэр бүлийн хүчирхийлэл үйлдсэн гэх НИТХ-ын төлөөлөгч Б.Эрдэнэсүхийн эхнэр О.Нарангарав цахим хуудсаараа дамжуулан тусламж хүслээ. Тодруулбал тэрбээр "Айж байна, Бишээгийн Эрдэнэсүх 10 дугаар сарын 16-нд 461 дүгээр ангид 30 хоног хоригдох шийтгэлтэйгээр ачигдсан. Гэвч хугацаанаасаа өмнө, 10 дугаар сарын 30-нд “Надтай болон хүүхдүүдэд ойртохгүй, уулзахгүй байх” сануулгатайгаар суллагдсан.

Б.Эрдэнэсүх Тэрэлжийн гүүрэн дээрээс баригдах үедээ Гаальтай Highlander маркийн автомашин дээр 0201УБК хуурамч дугаар зүүж яваад цагдаагийн байгууллагынханд баригдаж хоригдсон.

 Одоо ч энэ машинаа энэ дугаартай нь унаж замын хөдөлгөөнд оролцож байгаа нь хууль хүчний байгууллагын шийдвэрийг уландаа гишгэж байгааг харуулж байна. Хуулийн байгууллагад удаа дараа мэдэгдсэн ч өнөөг хүртэл ямар ч арга хэмжээ авч, шалгаж тогтоохгүй байна. Тэр машинтайгаа хэвийн зорчиж, бидэнтэй зам дээр санаатайгаар таарч шахах, мөргөх гэж оролдох, хүүхдүүдийг сургуулиас нь аваад явах замд байнга өөдөөс гарч ирж байна. Товчхондоо ойртохгүй байх шаардлагыг бүрэн зөрчиж, тогтмол тааралдах оролдлого хийх нь надад болон хүүхдүүдийн амь нас, эрүүл мэнд, стэгэл санаанд бодит аюул учруулж байна.

Хэрэв надад эсвэл миний хүүхдүүдэд ямар нэгэн зүйл тохиолдвол энэ бүхэн Бишээгийн Эрдэнэсүхтэй шууд холбоотой гэдгийг мэдэгдэж байна" хэмээжээ.