Философийн ухааны доктор /Ph.D/, Амин сүнсний судлаач, Амин сүнсний зураач, Амин сүнсний яруу найрагч, Сүнс овгийн Дамбын Одгэрэлийг 1990 онд оны утга зохиол, дүрслэх урлагийн нэгэн өвөрмөц төлөөлөгч гэдгийг 1990-ээд оны нэгэн үеийн урлаг, утга зохиолын хүрээнийхэн андахгүй мэднэ.

Амин сүнсний зураач Д.Одгэрэл Монголд анх удаа зөвхөн “АМИН СҮНС “-ний сэдвээр дагнаж, бие даасан уран бүтээлийн тайлан үзэсгэлэнгүүдээ 1989-2008 онуудад “Амин сүнсний үндэслэл”, “Хурдан морины сүнс-25-хязгааргүй” Сүнсний урлагийн онолын эхлэл”, “Дэлхийн стандартаас зугтсан зураач”, “Амин сүнсний ертөнцийн иргэн”, “Дэлхийн суут амин сүнснүүд” зэрэг нэртэйгээр нийт 13 удаа нээсэн байна. Амин сүнсний яруу найрагч Д.Одгэрэл Монголд анх удаа зөвхөн “Амин сүнс”-ний сэдвээр дагнаж яруу найраг, хүүрнэл зохиолын 13 номоо 1995-2022 онуудад “Тэнгэрийн иргэний сурах бичиг, “Зовлонд согтсон тэнгэрийн сүнс”, “Тэнгэрийн Амин сүнсэн дэлхий”, “Үг дамжуулагч Амин Тэнгэр”, “Хоёр Эсрэг Тэнгэр” “Тэнгэрийн зүрхтэй дээд хүч”, “Зүрхний нүдэнд гэрэлтэх тэнгэр”, “Тэнцэхгүй нь харин тэнгэрт”, “Үхлийн эцэг эхийг эмчлэгч тэнгэр”, “Тэнгэрийн сэтгэлийг өөрчлөгч сүнс” нэртэйгээр хэвлүүлсэн байна.

Амин сүнс, дээд амин хүч судлаач, философийн ухааны доктор/РһD/ Д.Одгэрэл Монголд анх удаа зөвхөн Амин Сүнс, Дээд Амин Хүчний сэдвээр дагнасан судалгааг 1990-2025 онуудад хийж, “Амин Сүнсний шүүхийн онол”, “Чингис Хааны Онгодын шинжлэх ухааны онол”, “Тэнгэр иэглэх Дээд Амин Шүтэлцээний Ухаан”, “Нүүдэлчин хүмүүсийн Амин сүнсний дархлаажилтын онол”, “Дээд амин хүчний язгуур философийн онол” зэрэг судалгааны бүтээлүүдээ туурвиж, “Монгол гүн ухаан дахь сүнсний сэтгэлгээ” сэдвээр философийн ухааны доктор /Ph.D/-н зэрэг хамгаалсан.

Д.Одгэрэл Амин сүнсний сэдэвт шилдэг бүтээлүүдээрээ МЗЭ-ийн шагнал, шилдэг бүтээлийн “Алтан өд” шагнал, “Болор цом” наадмын 3 удаагийн тусгай байрын шагналт буюу айргийн 5 дотор шалгарсан шагнал, Монголын оны шилдэг номын “Онцлох ном”-ын шагнал, дүрслэх урлагийн бүтээлүүдээрээ олон улсын 5 шагнал, ЮНЕСКО-ийн шагнал, судалгааны бүтээлүүдээрээ Америкийн Корлинссийн их сургуулийн “Онцлох эрдэмтэн”-ий шагнал хүртжээ.

Монголын нийгмийн сэтгэл зүй маань гадна өнгөц талдаа бол, Сүнс, Амин сүнс гэхээр инээдэг, шоолдог, доог тохуу хийж үл тоосон цаг үед Д.Одгэрэл Монголд анх удаа зоригтойгоор, тэвчээртэйгээр “Амин сүнс”-ний сэдвээр дагнасан дүрслэх урлагийн бүтээлүүдээ зурж, Монголдоо анх удаа “Амин сүнс”-ний сэдвээр дагнасан уран зохиолын бүтээлүүдээ бичиж, туурвиж, Монголд анх удаа амин сүнсний сэдэвт судалгааны бүтээлүүдээ судлаж, туурвиж, анир чимээгүйхэн, эгэл даруухнаар цөхрөл, төгсгөлгүй, уйгагүй эрэлхийлж, зөвхөн энэ сэдвээр дагнан 35 жил тасралтгүйгээр өөрийн биеэ зориулан нэгэн насны амьдралаа золиослон, зурж, бичиж, судлаж, дээд амин хүч, онгод сансрын гаралтай мэдээлэл хүлээж авч ирсэн түүхэн замнал нь өөрийн х нь маш том ололт амжилт, ялалт гэж хэлж болно.

Тийм учраас бас л Монголд анх удаа “Амин сүнс”-ний сэдэвт бүтээлүүдээ туурвисан 35 жилийн ой буюу нэгэн өвөрмөц сонин оюуны бүтээлийн ойг тэмдэглэн өнгөрүүлэх үйл ажиллагаа 2025 оны 12-р сарын 10-20-ны өдрүүдэд үзэсгэлэнгийн нээлт, номын нээлт, эрдэм шинжилгээний бага хурал, хэлэлцүүлэг, хэвлэлийн бага хурал Улаанбаатар хотноо болох юм байна.

Судлаач Б.БУЛГАНБААТАР