Монгол Улсын Засгийн Газрын 2024-2028 оны үйл ажиллагааны хөтөлбөрт туссан Олон Улсын жишигт нийцсэн хөдөлмөрийн бирж, нийгмийн үйлчилгээний үндэсний платформыг нэвтрүүлж, төр, хувийн хэвшлийн түншлэлээр дамжуулан хөдөлмөр эрхлэлтийн үйлчилгээг хүртээмжтэй болгох зорилтыг хэрэгжүүлэх хүрээнд хөдөлмөр эрхлэлтийн цогц үйлчилгээг үзүүлэх “Job center” төвийн үйл ажиллагааг эхлүүлж, 2025 оны 9 дүгээр сарын 22-ны өдрийн байдлаар улсын хэмжээнд 14 төв үйл ажиллагаа явуулж байгаагаас орон нутагт 4 төв /Хэнтий, Дорнод, Хөвсгөл, Сүхбаатар/, УБ хотод 10 төв /СБД-5, БЗД-1, БГД-3, ХУД-1/ тус тус байна.

Тус төвүүд нь ажил мэргэжлийн чиг баримжаа олгох зөвлөх үйлчлгээг 1256 иргэнд, ажил зуучлах үйлчилгээг 104 иргэнд үзүүлээд байна.

Засгийн газрын 100 хоногийн хугацаанд дараах 4 төв шинээр байгуулагдсан. Үүнд:

- Job Center – Баянзүрх салбар, 2025.06.30 өдөр

- Job Center - Хэнтий салбар, 2025.07.05 өдөр

- Job Center – Баянгол 3 дугаар салбар, 2025.09.03 өдөр

- Job Center – Сүхбаатар салбар, 2025.09.22 өдөр

Иргэд “Job center” төвөөр үйлчлүүлснээр хөдөлмөр эрхлэх ур чадварын үнэлгээ хийлгэх, ажил мэргэжлийн чиг баримжаа олгох зөвлөгөө авах, ажилд зуучлуулах, хөдөлмөрийн зах зээлийн мэдээлэл авах, салбарт хэрэгжиж буй хууль тогтоомж, дүрэм журмын талаарх мэдээллийг нэг дор нэгдмэл байдлаар авах боломж бүрдсэн.