“Илүү их уншъя” уриан дор зохион байгуулагдаж буй “Үндэсний бичиг соёл, номын өдрүүд-2025” арга хэмжээний хүрээнд Монголын зохиолчдын эвлэлийн гишүүн, яруу найрагч, жүжгийн зохиолч Сосорбарамын Даваадоржийн нэрэмжит 38 дахь удаагийн номын баярын нэгдсэн арга хэмжээг 2025 оны есдүгээр сарын 19, 20-ны өдрүүдэд Дундговь аймгийн Г.Чагдаржавын талбайд зохион байгуулжээ. Номын баярын нээлтийн үйл ажиллагаа 2025 оны есдүгээр сарын 19-ний өдөр эхэлж, Дундговь аймгийн Засаг даргын орлогч Ц.Ариунбаяр үг хэлж, баярын үйл ажиллагаанд оролцож буй нийт иргэдэд мэндчилгээ дэвшүүллээ.

Тус баярын хүрээнд “Эх хэл-тусгаар тогтнол” сэдэвт эсээ бичлэгийн уралдааныг зохион байгуулсан бөгөөд ялагчдад шагналыг гардууллаа. “Эх хэл – Тусгаар тогтнол” эсээ бичлэгийн уралдааны дүнгээр:

10-12-р ангийн ангилалд:

Тэргүүн байр – Эрдмийн далай сургуулийн 11а ангийн сурагч Б.Дамдинбазар

Дэд байр – Эрдмийн далай сургуулийн 11г ангийн сурагч М.Энххүслэн

Гутгаар байр – Цэгц билиг сургуулийн 11б ангийн сурагч Д.Ариунхүслэн

Төрийн албан хаагч, насанд хүрэгчдийн ангилалд:

Тэргүүн байр – Ахмад настан Навааны Мөнхцэцэг

Дэд байр – Сайнцагаан сумын 2-р цэцэрлэгийн багш С.Намсрайсүрэн

Гутгаар байр – Говийн ирээдүй сургуулийн ажилтан Ж.Нарангарав нарт шагналыг гардууллаа.