"Татар" хамтлагийн анхны цомгийг бүтээлцэж, үнэтэй дэмжлэг үзүүлж байсан "Эгшиг" студийн продюсер Майдар ахын дүрийг "ТАТАР" уран сайхны кинонд жүжигчин Н.Ялалт бүтээлээ. Сонирхуулахад, жүжигчин Н.Ялалт нь тус хамтлагийн "Хайрыг хүндэл" дууны клипний гол дүрд тоглож байсан билээ.

"ТАТАР" түүхэн УСК-г 2025.09.19-с бүх кино театруудаар хүлээн авч үзээрэй.

Нээлт: 2025 оны есдүгээр сарын 19-нд бүх кино театруудаар...

Ташрамд сонирхуулахад, 1999 онд Заяа, Жагаа, Мөөгий нар нийлж 3 гишүүнтэйгээр хамтлаг бүрэлдсэн юм. Тухайн үедээ хөрш айлынхаа нэгэн эвдэрсэн аяны чиргүүлэн дотор бэлтгэлээ хийж эхэлсэн. 1999-2003 он хүртэл хамтлаг нь бүрэлдэж, анхны дуунуудаа дуу бичлэгийн студид бичүүлж байжээ. Хамтлаг байгуулах санааг анх Заяа, Жагаа хоёр гаргасан. 2003 оны 7 дугаар сарын 5 ны өдөр Монгол улс Улаанбаатар хотод Сонор рекордстой албан ёсны гэрээ байгуулсанаар Татар хамтлаг албан ёсоор байгуулагдсан юм.

Татар бол 2003 оноос хойш дэлхийн стандартад нийцсэн дуу хөгжмийн салбарын томоохон компаниудтай хамтран ажиллаж, Монголын орчин үеийн дуу хөгжим, тэр дундаа хип хоп хөгжмийн салбарт үнэтэй хувь нэмэр оруулсан бөгөөд Монгол улсаас гадны зах зээлд уран бүтээлээ олон улсын худалдааны тухай хуулийн дагуу (TATAR album, Second album нь оюуны өмчөө баталгаажиж Япон улс цаашлаад дэлхийн зах зээлд борлуулагдаж байна) борлуулж чадсан анхны хип хоп хамтлаг юм.

Монгол Улсад хамгийн анхны (TATAR, SECOND ALBUM, ГАНЦААРАА, FREEDOM ) цомог гаргаж байжээ. Монгол Улсдаа анхдагч фэн клуб, цомгийн өдөрлөг, гадаад зах зээлрүү чигэлсэн ажлууд, тухайн үедээ дууг дүрсжүүлж клипжүүлэн илэрхийлэх, утга илэрхийлэл дууны шүлэг райм, бүрэн хэмжээний уран сайхны кино, мянга мянган залуусыг хамруулсан сайн сайханд уриалсан нийгмийн ажлууд, бие даан хийсэн бүрэн хэмжээний амьд тоглолтуудаараа бусад хип хоп хамтлагуудаасаа ялгарч олон нийтэд хип хоп хөгжмийг хүлээн зөвшөөрүүлэхэд үнэтэй хувь нэмэр оруулж чадсан билээ.