Хүүхдийн байгууллага, хөдөлгөөн үүсэж хөгжсөний түүхт 100 жилийн ойн хүрээнд Дундговь аймгийн Засаг даргын Тамгын газар, Дундговь аймгийн Хүүхэд, гэр бүлийн хөгжил, хамгааллын газраас цахим контентийн уралдаан зарлажээ.

Уг уралдаан нь Хүүхэд хамгааллын тухай хууль, гэр бүлийн хүчирхийлэлтэй тэмцэх тухай хуулийн хэрэгжилтийг хангах, хүүхдийг аливаа эрсдлээс урьдчилан сэргийлэх, танин мэдэх, бүтээлч байдлыг хөгжүүлэх зорилгоор контентийг бэлтгэн олон нийтэд түгээхэд оршиж байгаа юм. 

Түүнчлэн цахим орчинд хүүхдийг хориотой болон хүүхдэд хортой агуулгаас урьдчилан сэргийлэх, хамгаалах журамыг баримталсан бүтээлийг хүлээн авах аж. Цахим контентийг удирдамжид заасан сэдвийн хүрээнд хүлээн авах ба бүтээлийг 2025 оны 09 дүгээр сарын 04-ний өдрөөс 09 дүгээр сарын 15-ны өдрийг хүртэл Хүүхэд, гэр бүлийн хөгжил, хамгааллын газрын 208 тоот өрөөнд Хүүхдийн хөгжил, оролцоо хариуцсан мэргэжилтэн (Ц.Галсандэжид-89433300), galsaa.3300@gmail.com хаягаар хүлээн авч есдүгээр сарын 16-ны өдөр шалгаруулах юм байна.

Ерөнхий зохион байгуулагч:  Дундговь аймгийн Засаг даргын Тамгын газар, Дундговь аймгийн Хүүхэд, гэр бүлийн хөгжил, хамгааллын газар