Дундговь аймгийн Засаг дарга С.Мөнхчулууны санаачилгаар зүүн гурван аймгийн гал түймэрт өртсөн малчдад туслах зорилготой энэхүү аяныг нутгийн аж ахуйн нэгж, байгууллагууд идэвхтэй дэмжиж байна. Тус аяны хүрээнд Дундговь аймаг дахь “СОД МОНГОЛ” групп нийгмийн хариуцлагын хүрээнд 1 сая төгрөгийн шатахуун хандивлав. Аймгийн зүгээс “Сод Монгол” группийн хамт олонд талархал илэрхийллээ

Тусламжийн хүрээнд:

Хэнтий аймагт - хонь-517, ямаа-71 нийт 588 толгой мал

Сүхбаатар аймагт - хонь-594, ямаа-225 нийт 819 толгой мал

Дорнод аймагт - хонь-1809, ямаа-290 нийт 2099 толгой малыг тус тус хандивласан бөгөөд энэхүү хандивт 2317 малчин, 90 ААН, Төрийн болон ТББ нэгдэж Зүүн гурван аймгийн түймэрт өртсөн малчдад сэтгэлийн хандив өргөөд байна.

Мөн Мах маркет ХХКомпаниуд хандивт нэгдэн, нийгмийн хариуцлагын хүрээнд хонь ачих машиныг үнэ төлбөргүй хүргэж өгч байгаа. Түүнчлэн Дорнод аймгийн зүгээс эхний ээлжинд 2500 боодол өвс, 1000 га хадлангийн талбай, Хэнтий аймгийн зүгээс 2000 боодол өвс, хадлангийн талбай гаргаж өгөхөө илэрхийлсэн бол Сүхбаатар аймгийн зүгээс хэрэгцээ шаардлагад нийцүүлэн талбай олгох, Сүхбаатар аймгийн Сүхбаатар сумын зүгээс 1000 боодол өвс өгөхөө илэрхийлсэн тухай бид өмнө нь мэдээлсэн билээ.