Ахмадууд  Хамтын тэтгэврйин тухай хуульд өөрчлөлт оруулахыг шаардлаа. Тэд тэтгэврийн зээлийг 12 хувь болгож, доод хэмжээг 1.5 сая төгрөг болгох шаардлагатай байгааг онцоллоо.

Түүнчлэн “Монгол Улсын Ерөнхий сайд арилжааны банкуудад чиглэл өгч тэтгэврийн зээлийн 50, 50 хувийг хүчингүй болгосон. Шийдвэр гаргасан өдрийн дараа арилжааны банкууд 24 сараар 100 хувь тэтгэврийн зээл олгосон. Гэвч энэ нь түр хугацааны асуудал байсан.  Тодруулбал, долдугаар сарын 11-ний өдрөөс Хаан банк 100 хувь, Төрийн банк арванхоёрдугаар сард 100 хувь,  Худалдаа хөгжлийн банк, Төрийн банкууд дур мэдэн хугацаа заасан.

Арилжааны дөрвөн банкинд шаардлага хүргүүлсэн ч Голомт банк долдугаар сарын 24-ний өдөр зээлийн сарын хугацааг 18 сар буюу 70 хувь болгосон. Гэр бүл, хөдөлмөр, нийгмийн хамгааллын яамнаас арилжааны банкуудад тэтгэврийн орлого барьцаалсан зээлийн хэмжээ хугацаанд өөрчлөлт оруулахгүй байх, зээлийг хүндрэл чирэгдэлгүй олгодог байх албан бичиг хүргүүлсэн боловч Голомт банк үл тоосон хариу өгсөн. Түүнчлэн энэ сарын 7-ны өдөр Төрийн банк шийдвэр гаргаж тэтгэврийн зээлийг зургаан сараар олгодог болох шийдвэр гаргалаа.

Арилжааны банкууд хүү дээр давхар хүү бодож зөрчлийг торгууль мэтээр тооцож биднийг мөлжиж байна. Арилжааны банкууд 18-19  хувийн хүүтэй зээл олгож зээлийн хүүдээ дахин хүү бодож байгаа нь хууль зөрчсөн үйлдэл гэдгийг захын эдийн засагч хэлнэ. Монголбанк Монголын ард түмнийг талд биш хэдэн арилжааны банкны талд үйлчилж байна. Тэтгэврийн зээлийн хүүг 12 хувиас хэтрүүлэхгүй байхаар хуульчилж өгөх шаардлагатай байна.” гэлээ.

Мөн тэд тэтгэврийн зээлийг хэрэглээний зээлд оруулах бус онцгой зээлд оруулах хууль баталж өгөх хэрэгтэйг санууллаа шаардлагыг биелүүлэхгүй бол ирэх сарын 15-наас тэмцлийн хурц хэлбэрт шилжихээ хариуцлагатайгаар мэдэгдлээ.