Дундговь аймгийн ИТХ-ын төлөөлөгчид болон аймгийн Засаг дарга С.Мөнхчулуун нар “САЛХИТ” уулын баяжуулах үйлдвэрийн үйл аижллагаатай танилцлаа. Тодруулбал, Дундговь Засаг дарга С.Мөнхчулуун, Дундговь аймгийн ИТХ-ын дарга Ж.Мөнхчулуун, Дундговь аймгийн Засаг даргын орлогч Ц.Ариунбаяр нар аймгийн ИТХ-ын төлөөлөгчдийн хамт Гурвансайхан сумын нутагт үйл ажиллагаа явуулж буй “Эрдэнэс алт ресурс” ХХК-ийн “Салхит” уулын баяжуулах үйлдвэрт ажиллажээ.  Тус үйлдвэр нь 900 мянган тонн хүдэр баяжуулах хүчин чадалтай хоёр үйлдвэр, гурван шугамтайгаар ажиллаж, үйлдвэрлэлийн 80 хүртэлх хувийг дотоод эргэлтийн усаар хангаж байна.

Эрдэнэс Алт ХХК-нь ААНОАТ: 25 тэрбум төгрөг, Усны төлбөр: Жил бүр 0.8 тэрбум төгрөг, Хамтын ажиллагааны гэрээний төлбөрт 1,3 тэрбум төгрөг төвлөрүүлж Дундговь аймгийн төсвийн орлогыг бүрдүүлэхэд чухал үүрэг гүйцэтгэдэг бөгөөд Цалингийн ХХОАТ: 0.5 тэрбум төгрөг Гурвансайхан сумын төсөвт төвлөрүүлдэг юм.

Байгаль орчны нөхөн сэргээлт, биологийн олон янз байдлыг хамгаалах чиглэлээр 2024 онд 11 га газарт техникийн нөхөн сэргээлт хийж, Их газрын чулуу байгалийн цогцолборт газарт 100 толгой тарвага нутагшуулан, 4 хөв цөөрөм байгуулжээ. “Тэрбум мод” үндэсний хөтөлбөрийн хүрээнд нийт 524 мянга 474 мод тарьсан байна. Мөн Нийт ажилтан албан хаагчдын 30 гаруй хувь нь Дунпговь аймгийн иргэд бөгөөд 2024 оны өвлийн цасан шуурганы үед 27 иргэний амь насыг аварч, малчдад тусламж үзүүлсэн. Боловсролын салбарт дэмжлэг үзүүлж, Дундговь аймгийн харьяалал бүхий 12 оюутанд сургалтын тэтгэлэг олгожээ.