Сонгуулийн санал авах “хар машин” “но”-той хэмээн зарлаж, олон нийтийн анхаарлын төвд орсон Г.Ган-Очир гэх залууг таних нэг  нь таних биз. Гадаадад гарч амьдрах болсон түүнд  2022 онд эхнэр А.Ариунтуяагийн дуудлага мэдээллийн дагуу “эхнэрээ зодож санаатай ноцтой гэмтэл учруулсан” гэр бүлийн хүчирхийлэл үйлдсэн гэмт хэргээр Францын Аннеси хотын Эрүүгийн хэргийн шүүхээс 2 жилийн хорих ял оноосон. Түүгээр ч үл барам шүүхийн шийдвэр, шүүхийг үл хүндэтгэсэн учраас 6 сарын нэмэлт ял гэх дуулддаг.

Эхнэр нь гэх А.Ариунтуяа нь ч  цахим хуудсаараа дамжуулан, гэр бүлийн хүчирхийлэлд удаа дараа өртсөн тухайгаа, зураг сэлттэй нь дэлгэж олон нийтийг цочроосон удаатай. Ял авчч гэх мэдээлэл түгснээс хойш нэг хэсэг чимээгүй байсан Г.Ган Очир, сүүлийн үед сошиал ертөнцөд идэвхтэйгээр эргэн ирж, улстөрчдийн талаар таагүй мэдээлэл басхүү улс төртэй холбоотой лайв хийн түгээх болсон билээ.

Эх сурвалжийн өгүүлснээр мань эр өөрийнх нь хэлсэнчлэн улс төрийн хавчилт дарамтад өртсөний улмаас харийг зориогүй бөгөөд Монголд байх хугацаандаа согтуурсан үедээ бусдын амгалан тайван байдлыг алдагдуулж, гудамж талбайд охид, бүсгүйчүүдийг айлган сүрдүүлсэн гэж цагдаагийн байгууллагад 12 удаа эрүүлжүүлэгдсэн. Мөн Зөрчлийн тухай хуулиар 20 удаа торгуулийн арга хэмжээ авч байсан төдийгүй эмэгтэйчүүдийг зодож, биеийг нь үнэлүүлж ашиг олдог байсан гэдэг.

Товчхондоо, гэнэт гадагш гарах болсон гол шалтгаан нь Г.Ган-Очир нь Монгол Улсад байхдаа бусдын гэрийг галдан шатаасан, худал мэдээлэл тарааж бусдыг шантаажилсантай холбоотой юм билээ. Тэрбээр хууль хяналтын байгууллагад шалгагдаж байхдаа буюу  2022 оны долдугаар сарын 20-ны өдөр хил гаран зугтжээ.

Зугтаж бултаж бусдыг дарамталж дадсан түүнд гэр бүлийн хүчирхийлэл үйлдсэн хэргээр Францын Улсын Аннэси хотын Засан хүмүүжүүлэх шүүхийн шүүгч NIEL Christophe, DE MONTGOLFIER Valentine, COVILI Elise нар нь 2022 оны 12 дугаар сарын 28-нд хоёр жилийн хорих ял ноогдуулсан аж. Уг шүүхийн шийдвэрт Г.Ган-Очир нь Францын Улсын Rumilly, Douvaine, Veigy Foncenex хотуудад амьдарч байхдаа 2022 оны наймдугаар сарын 28-наас 2022 оны 12 дугаар сарын 26-ны өдрийн хооронд гэр бүл, хамтран амьдрагч буюу иргэний хуулиар хамтран амьдрах гэрээтэй байсан этгээдийн эсрэг тогтмол хүчирхийлэл үйлдсэн.  Мөн өөрийн асран хамгаалалтад байсан 15 наснаас доош бага насны хүүхдүүдийн эсрэг хүчирхийлэл үйлдсэн хэргээр ял авч, эхнэр, хүүхдүүдтэйгээ нэг гэрт амьдрах, холбоо харилцаанд орохыг хориглосон шийдвэр гарчээ.

Хорих ял эдлэх хугацаандаа шорондоо өлсгөлөн зарлаж, шүүхийн хяналтад гадуур байхдаа тус улсын нутаг дэвсгэрээс гарч, дахин оргон зугтжээ. Үүний улмаас Г.Ган-Очирыг Монгол Улсаар зогсохгүй, Франц Улсаас Интерполоор эрэн сурвалжлах ажиллагаа эхэлсэн бөгөөд тэрээр Европын холбооны улсуудаар орогнож зугтсаар байгаа юм билээ. Мөн сошиал орчинд идэвхтэй үзэгдэн, улс төрийн байр сууриа илэрхийлэх болсон Швейцарьт орогнож  байгаа гэх албан бус мэдээлэл ч бас байна.