Л.Оюун-Эрдэнийн толгойлсон Хамтарсан Засгийн газар огцорч Г.Занданшатарын тэргүүлсэн Засгийн газар үүрэгт ажилдаа орсонтой холбогдуулан Монгол Улсын 2025 оны төсөвт гурав дахь удаагаа өөрчлөлт оруулахаар болсон. Тухайлбал, Гэр бүл, хөдөлмөр нийгмийн хамгааллын яамны багцаас дараах төсвүүдийг Хэмнэлтийн тухай хуулийн дагуу хасчээ. Бусдаар тус яамны багц хэвээр үлдсэн аж. 

1. Сэргээн засалт сургалт үйлдвэрлэлийн төвийн төсвөөс  86.8 сая төгрөг.

Байгууллагын цалин, НДШ болон бусад зардлаас нэгдсэн жишгийн дагуу тооцон хасалт хийгджээ.

2. ХБХЕГ-аас 5.620 сая төгрөг

Байгууллагын цалин, НДШ болон бусад зардлаас нэгдсэн жишгийн дагуу тооцон хасалт хийгдсэн. Бусдаар гүйцэтгүүлсэн ажил, үйлчилгээний зардлаас 3,390.4 сая төгрөг, төрийн зарим чиг үүргийг хувийн хэвшлээр гүйцэтгүүлэх (Өмнөговь аймагт байгуулагдах ХБХХТ зардал) 1,524.5 сая төгрөгөөс 379.7 сая төгрөг үлдээж, 1.1 тэрбум хасагджээ. Мөн зарцуулагдаагүй, 8.9 тэрбум төгрөгөөс 1.9 тэрбум төгрөг хасагдсан байна. Одоогоор 2.6 тэрбум төгрөгийн гэрээ байгуулагдсан байгаа.

3. Хөгжлийн бэрхшээлтэй хүүхдийн сэргээн засах төвийн төсвөөс  1,192 сая төгрөг.

Байгууллагын цалин, НДШ болон бусад зардлаас нэгдсэн жишгийн дагуу тооцон хасалт хийгдсэн.

4. Хөгжлийн бэрхшээлтэй хүний хөгжлийн төв/аймгаар/1,378 сая төгрөг

Мөн л байгууллагын цалин, НДШ болон бусад зардлаас нэгдсэн жишгийн дагуу тооцон хасалт хийгджээ.

5. ХБХЕГ /хөрөнгө оруулалт/ 871.4 сая төгрөг хэмнэлтийн дагуу хасагдаж байгаа.

Задаргаа нь хараагүйчүүдийн үйлдвэрийн их засварт 1,350 сая төгрөг, тоног төхөөрөмж худалдан авахад 3,500 сая төгрөг батлагдсан юм байна. Их засварын гүйцэтгэгч шалгарч 1.220.0 сая төгрөгөөр гэрээ байгуулж, тоног төхөөрөмжийг нийт 12 багц болгож ТХААГ дээр худалдан авах ажиллагаа зохион байгуулагдсан. Гэвч гурван багц ажилд шаардлага хангасан гүйцэтгэгч санал ирүүлээгүй тул 2025.5.31-ний дотор гэрээ байгуулж чадаагүй. Нийт 871.4 сая төгрөгийн тендерийн хэмнэлт үүссэн гэсэн үг.